Akashvani News | আকাশবাণী নিউজ

October 23, 2026 12:49 PM

আকাশবাণী ‘দৃষ্টিপাত’ অনুষ্ঠানত কাইলৈ হীৰকজ্যোতি শৰ্মা আৰু দিলীপ হীৰাৰ সৈতে হোৱা সাক্ষাৎকাৰ প্ৰচাৰ

আকাশবাণী গুৱাহাটীৰ বাতৰি বিভাগৰ দৃষ্টিপাত অনুষ্ঠানত কাইলৈ নিশা ৮ বাজি ২ মিনিটত ওস্তাদ বিছমিল্লা খাঁ ৰাষ্ট্ৰীয় যুৱ পুৰস্কাৰপ্ৰাপ্ত অসমৰ লোকসংগীত শিল্পী হীৰকজ্যোতি শৰ্মা আৰু দিলীপ হীৰাৰ সৈতে হোৱা সাক্ষাৎকাৰ প্ৰচাৰ কৰা হ'ব। শ্ৰোতাসকলে অনুষ্ঠান চলি থকাৰ সময়ত ০৩৬১-২৬৬১৮৭৬ আৰু ৯৪৩৫৪-০৫২২২ নম্বৰলৈ ফোন কৰি শিল্পী দুগৰাকীৰ সৈতে পোনপটীয়াকৈ কথা পাতিব পাৰিব। অনুষ্ঠানটিৰ আঁত ধৰিব অৰুণিমা গোস্বামীয়ে। শ্রোতাসকলে আকাশবাণী গুৱাহাটীৰ বাতৰি বিভাগৰ ইউ টিউব চেনেল আৰু ফে’চবুক পেজৰ জৰিয়তেও অনুষ্ঠানটো শুনিবলৈ পাব।

October 22, 2026 5:17 PM

বি পি এফ দলৰ উদ্যোগত ওদালগুৰিত আজিৰেপৰা ৩ দিনীয়াকৈ যুৱ মহোৎসৱৰ আয়োজন

বি পি এফ দলৰ উদ্যোগত ওদালগুৰিত আজিৰেপৰা তিনিদিনীয়াকৈ যুৱ মহোৎসৱৰ আয়োজন কৰা হৈছে। এই মহোৎসৱৰ জৰিয়তে যুৱ প্ৰজন্মৰ প্ৰতিভা বিকাশ আৰু ৰাষ্ট্ৰ গঢ়াৰ দিশত বৰঙণি যোগাবলৈ তেওঁলোকক উৎসাহিত কৰাৰ প্ৰয়াস কৰা হৈছে। এই মহোৎসৱৰ অংশ হিচাপে সাহিত্য, ক্রীড়া আৰু সাংস্কৃতিক প্রতিযোগিতাৰ আয়োজন কৰা হৈছে। আজিৰ অনুষ্ঠানত মন্ত্ৰী চৰণ বড়ো, বি টি চি পৰিষদৰ অধ্যক্ষ ত্ৰিদীপ দৈমাৰীকে ধৰি ভালেসংখ্যক বিশিষ্ট ব্যক্তি উপস্থিত থাকে।

October 22, 2026 5:15 PM

দুদিনীয়া ভ্ৰমণসূচীৰে চত্তিশগড়ত উপস্থিত ৰাষ্ট্ৰপতি দ্রৌপদী মুর্মু

দুদিনীয়া ভ্ৰমণসূচীৰে ৰাষ্ট্ৰপতি শ্রীমতী দ্রৌপদী মুর্মু চত্তিশগড়ত উপস্থিত হৈছে। ৰায়পুৰৰ স্বামী বিবেকানন্দ বিমান বন্দৰত অৱতৰণ কৰাৰ পাছতে শ্ৰীমতী মুৰ্মুক ৰাজ্যপাল ৰমেন ডেকা, মুখ্যমন্ত্ৰী বিষ্ণু দেওচাই, কেন্দ্রীয় গৃহ নির্মাণ আৰু নগৰ পৰিক্ৰমা দপ্তৰৰ ৰাজ্যমন্ত্ৰী তোখান চাহুৰ লগতে ৰাজ্যৰ কেইবাগৰাকীও মন্ত্ৰী আৰু শীৰ্ষ বিষয়াসকলে আদৰণি জনায়। এই ভ্ৰমণকালত ৰাষ্ট্ৰপতি শ্ৰীমতী মুৰ্মুৱে ৰায়পুৰ আৰু জগদলপুৰৰ কেইবাটাও অনুষ্ঠানত অংশ ল'ব। শ্ৰীমতী মুৰ্মুৱে আজি ৰায়পুৰত নুৱাখাই উৎসৱত অংশ ল'ব। কাইলৈ শ্ৰীমতী মুৰ...

October 22, 2026 5:09 PM

উমৈহতীয়া দেৱানী বিধি, ২০২৬ ৰূপায়ণৰ খচৰা নীতি-নিৰ্দেশনা প্রস্তুত কৰিবলৈ অসম চৰকাৰৰ ৮ জনীয়া সমিতি গঠন

অসম চৰকাৰে উমৈহতীয়া দেৱানী বিধি, ২০২৬ ৰূপায়ণৰ খচৰা নীতি-নিৰ্দেশনা প্রস্তুত কৰিবলৈ এখন ৮ জনীয়া সমিতি গঠন কৰিছে। এই সন্দৰ্ভত ৰাষ্ট্ৰপতিৰ অনুমোদনৰ বাবে সমিতিখনৰ সবিশেষ কেন্দ্ৰীয় চৰকাৰলৈ প্ৰেৰণ কৰা হৈছে। ৰাজ্যৰ গৃহ আৰু ৰাজনৈতিক বিভাগে জাৰি কৰা জাননী অনুসৰি এই বিধি বলৱৎ সন্দৰ্ভত ৰাজ্য চৰকাৰে গ্ৰহণ কৰা সিদ্ধান্তক কাৰ্যকৰী ৰূপ দিয়াৰ বাবে সমিতিখন গঠন কৰা হৈছে। গৃহ আৰু ৰাজনৈতিক বিভাগৰ সচিব দেৱ প্ৰসাদ মিশ্রক এই সমিতিৰ অধ্যক্ষ হিচাপে নিযুক্তি দিয়া হৈছে। জাননীখনত উল্লেখ কৰা মতে এই সমিতিখনক জাননী জাৰি ...

October 22, 2026 5:07 PM

‘‘প্রধানমন্ত্ৰী নৰেন্দ্ৰ মোদীৰ নেতৃত্বত ভাৰতে কৃত্রিম বুদ্ধিমত্তা অর্থাৎ এ আইৰ আন্তঃগাঁথনি বিকাশ কৰিছে’’ -কেন্দ্রীয় শিক্ষামন্ত্রী

প্রধানমন্ত্ৰী নৰেন্দ্ৰ মোদীৰ নেতৃত্বত ভাৰতে কৃত্রিম বুদ্ধিমত্তা অর্থাৎ এ আইৰ আন্তঃগাঁথনি বিকাশ কৰিছে আৰু ১ কোটি যুৱক-যুৱতীক এ আইৰ প্ৰশিক্ষণ প্ৰদান কৰি ৪টা এ আই উৎকর্ষতা কেন্দ্ৰৰ জৰিয়তে গৱেষণা শক্তিশালী কৰি তুলিছে। কেন্দ্রীয় শিক্ষামন্ত্রী প্রহ্লাদ যোশীয়ে এ আই যুগৰ বাবে ভাৰতীয় স্নাতকসকলৰ প্ৰশিক্ষণ সন্দৰ্ভত এটা লেখা শ্বেয়াৰ কৰি এই কথা প্ৰকাশ কৰে। তেওঁ কয়, যে দেশৰ উচ্চ শিক্ষা ব্যৱস্থাই কৃত্রিম বুদ্ধিমত্তা ব্যৱহাৰ কৰি সমস্যা সমাধানৰ ক্ষেত্ৰত বাস্তৱসন্মত কৌশল অৱলম্বন কৰিব লাগিব। তেওঁ কয়, যে উচ্...

October 22, 2026 5:01 PM

শিক্ষাত পুঁজি বিনিয়োগ বৃদ্ধি, উন্নত সা-সুবিধাকে ধৰি ভিন্ন দাবীৰে গ্ৰীচত সহস্ৰাধিক ছাত্ৰ-ছাত্ৰী, শিক্ষক আৰু ৰাজহুৱা খণ্ডৰ কৰ্মীৰ প্ৰতিবাদী সমদল

শিক্ষাত পুঁজি বিনিয়োগ বৃদ্ধি, বিদ্যালয়সমূহৰ উন্নত সা-সুবিধা শ্ৰেণীৰ পৰিসৰ ক্ষুদ্ৰকৰণ আৰু কাম কৰাৰ পৰিৱেশ অনুকুল কৰি তোলাৰ দাবীৰে গ্ৰীচত হাজাৰ হাজাৰ ছাত্ৰ-ছাত্ৰী, শিক্ষক আৰু ৰাজহুৱা খণ্ডৰ কৰ্মীয়ে কালি সমদল উলিয়ায়। গ্ৰীচ আৰক্ষীৰ সূত্ৰই প্ৰকাশ কৰা মতে চেণ্ট্ৰেল এথেন্সত কমেও ১০ হাজাৰ প্ৰতিবাদকাৰী শান্তিপূর্ণভাৱে সমবেত হয় আৰু ইয়াৰ উপকণ্ঠ অঞ্চলসমূহতো প্রতিবাদ সাব্যস্ত হয়। সংসদ ভৱনৰ বাহিৰত প্ৰতিবাদকাৰীসকলে গ্ৰীচৰ পৰা ফ্ৰান্সলৈকে তেওঁলোকে ৰাজহুৱা তথা বিনামূলীয়া শিক্ষা বিচাৰে বুলি প্ৰতিবাদী ধনি ...

October 22, 2026 4:59 PM

শ্বেত বিপ্লৱৰ বাটকটীয়া তথা সমবায় আন্দোলনৰ গুৰি ধৰোতা ত্রিভূবনদাস পেটেলৰ জয়ন্তীত গৃহমন্ত্রী অমিত শ্বাহৰ শ্ৰদ্ধা জ্ঞাপন

কেন্দ্রীয় গৃহমন্ত্রী অমিত শ্বাহে আজি দেশত শ্বেত বিপ্লৱৰ বাটকটীয়া তথা সমবায় আন্দোলনৰ গুৰি ধৰোতা ত্রিভূবনদাস পেটেলৰ জয়ন্তীত শ্ৰদ্ধা জ্ঞাপন কৰিছে। সামাজিক মাধ্যমৰ এটা বাৰ্তাত শ্ৰীশ্বাহে কয় যে চৰ্দাৰ বল্লভভাই পেটেলৰ নেতৃত্বত ত্রিভূবনদাস পেটেলে ১৯৪৬ চনত খেড়া জিলা সমবায় দুগ্ধ উৎপাদন সংস্থা স্থাপনৰ গুৰি ধৰিছিল। বৰ্তমান এই সংস্থা আমূলৰূপে পৰিচিত হৈছে যি ৩৬ লাখতকৈ অধিক কৃষক তথা ভালেসংখ্যক মহিলাৰ সমৃদ্ধিৰ ভেটি হৈ পৰিছে। কেন্দ্ৰীয় মন্ত্ৰীগৰাকীয়ে কয় যে প্রয়াত ত্রিভূবনদাস পেটেলৰ স্মৃতিত গুজৰাটৰ আন...

October 22, 2026 4:51 PM

ফ্ৰান্সত অব্যাহত থকা হিংসাত্মক পৰিস্থিতিৰ পৰিপ্ৰেক্ষিতত ফ্রান্স ভ্ৰমণ কৰিবলগীয়া ভাৰতীয় নাগৰিকসকলৰ বাবে কেতবোৰ নীতি-নিৰ্দেশনা জাৰি

ফ্ৰান্সত অব্যাহত থকা হিংসাত্মক পৰিস্থিতিৰ পৰিপ্ৰেক্ষিতত কেন্দ্ৰীয় চৰকাৰে দেশখনৰ প্ৰবাসী ভাৰতীয়ৰ লগতে ফ্রান্স ভ্ৰমণ কৰিবলগীয়া ভাৰতীয় নাগৰিকসকলৰ বাবে কেতবোৰ নীতি-নিৰ্দেশনা জাৰি কৰিছে। ফ্ৰান্সৰ ভাৰতীয় দূতাবাসেও প্রবাসী ভাৰতীয়সকলক সতৰ্ক হৈ থকাৰ বাবে আৰু প্ৰতিবাদস্থলীৰ পৰা আঁতৰি থাকিবলৈ আহ্বান জনাইছে। উল্লেখযোগ্য যে দৈনন্দিন জীৱন-যাপনত ব্যৱহৃত সামগ্ৰীৰ মূল্য বৃদ্ধি, বিদ্যালয় শিক্ষাৰ শোচনীয় অৱস্থা তথা চৰকাৰৰ প্ৰতি জনসাধাৰণৰ অসন্তুষ্টিক কেন্দ্ৰ কৰি ফ্ৰান্সৰ কেইবাখনো চহৰত যোৱা সপ্তাহৰ পৰা প্ৰতিব...

October 22, 2026 4:29 PM

৩ দিনীয়া ভ্রমণসূচীৰে কালি সন্ধিয়া দিল্লীত উপস্থিত পোলেণ্ডৰ প্ৰধানমন্ত্ৰী ড’নাল্ড টাস্ক

পোলেণ্ডৰ প্ৰধানমন্ত্ৰী টাস্ক তিনিদিনীয়া ভ্রমণসূচীৰে কালি সন্ধিয়া নতুন দিল্লীত উপস্থিত হয়। তেওঁৰ সৈতে দেশখনৰ বিত্ত আৰু অৰ্থনীতি মন্ত্ৰী এন্ড্রেজ ড’মানস্কিৰ লগতে ভালেসংখ্যক ব্যৱসায় প্রতিনিধি ভাৰতলৈ আহিছে। পোলেণ্ডৰ প্ৰধানমন্ত্রী হিচাপে দায়িত্বভাৰ গ্ৰহণৰ পাছত এয়া হৈছে টাস্কৰ দ্বিতীয়টো ভাৰত ভ্ৰমণ। ইয়াৰ পূৰ্বে ২০১০ চনত পোলেণ্ডৰ প্রধানমন্ত্ৰীগৰাকী ভাৰতলৈ আহিছিল। ইয়াৰ পূৰ্বে বৈদেশিক পৰিক্ৰমা মন্ত্ৰী ড০ এছ জয়শংকৰে আজি পুৱা শ্ৰীটাস্কক সাক্ষাৎ কৰে। সামাজিক মাধ্যমৰ এটা বাৰ্তাত ড০ জয়শংকৰে ভাৰত-পোল...

October 22, 2026 4:20 PM

পোলেণ্ডৰ প্ৰধানমন্ত্ৰী ড’নাল্ড টাস্কৰ সৈতে প্রধানমন্ত্ৰী নৰেন্দ্ৰ মোদীৰ দ্বিপাক্ষিক আলোচনা

প্রধানমন্ত্ৰী নৰেন্দ্ৰ মোদী আজি নতুন দিল্লীত পোলেণ্ডৰ প্ৰধানমন্ত্ৰী ড’নাল্ড টাস্কৰ সৈতে দ্বিপাক্ষিক আলোচনাত মিলিত হয়। বৈঠকত দুয়োগৰাকী নেতাই দ্বিপাক্ষিক সম্পৰ্কৰ সকলো দিশ পর্যালোচনা কৰাৰ লগতে পাৰস্পৰিক স্বার্থ সম্বলিত আঞ্চলিক আৰু গোলকীয় বিষয়সমূহত মত-বিনিময় কৰে। আজি এখন যুটীয়া সংবাদমেলত প্রধানমন্ত্রী মোদীয়ে কয় যে বিশ্ব সম্প্ৰতি অনিশ্চয়তা আৰু ৰূপান্তৰৰ সময়ৰ মাজেৰে পাৰ হৈছে আৰু এই প্ৰত্যাহ্বানসমূহ সত্বেও ভাৰত আৰু পোলেও বিকাশ, প্রযুক্তি আৰু উদ্ভাৱনৰ গুৰুত্বপূৰ্ণ কেন্দ্ৰ হিচাপে গঢ় লৈ উঠিছে।...

Social Media Links