July 17, 2026 6:10 PM
2
যোৰহাটৰ জিলা আয়ুক্তৰ বৰ্তমানৰ কাৰ্যালয় স্থানান্তৰ সন্দৰ্ভত জিলা আয়ুক্ত জয় শিৱানিৰ সভাপতিত্বত গুৰুত্বপূৰ্ণ বৈঠক অনুষ্ঠিত
যোৰহাটৰ জিলা আয়ুক্তৰ বৰ্তমানৰ কাৰ্যালয় চিনামৰাৰ নৱনিৰ্মিত ভৱনলৈ স্থানান্তৰ সন্দৰ্ভত জিলা আয়ুক্ত জয় শিৱানিৰ সভাপতিত্বত আজি এখন গুৰুত্বপূৰ্ণ বৈঠক অনুষ্ঠিত হয়। এই বৈঠকত জিলা উন্নয়ন আয়ুক্ত, সম-জিলা আয়ুক্ত, অতিৰিক্ত জিলা আয়ুক্ত, সহকাৰী জিলা আয়ুক্ত, নির্বাচনী বিষয়া, সহকাৰী আয়ুক্তসকলৰ লগতে জিলা আয়ুক্তৰ কাৰ্যালয়ৰ জ্যেষ্ঠ বিষয়াসকল উপস্থিত থাকে। বৰ্তমানৰ কাৰ্যালয়টো নৱনিৰ্মিত ভৱনলৈ শৃংখলাবদ্ধভাৱে স্থানান্তৰ কৰাৰ ক্ষেত্ৰত ল'বলগীয়া পদক্ষেপসমূহৰ বিষয়ে এই বৈঠকত আলোচনা কৰা হয়।
