Akashvani News | আকাশবাণী নিউজ

October 23, 2026 8:24 PM

কোকৰাঝাৰৰ কঠালগুৰিৰ ভাৰতীয় ক্রীড়া প্ৰাধিকৰণৰ ক্ৰীড়া প্রশিক্ষণ কেন্দ্ৰত ২৫ ৰ পৰা ২৯ অক্টোবৰলৈ অস্মিতা ছাব জুনিয়ৰ আৰু জুনিয়ৰ মহিলা হকী লীগৰ আয়োজন

কোকৰাঝাৰৰ কঠালগুৰিৰ ভাৰতীয় ক্রীড়া প্ৰাধিকৰণৰ ক্ৰীড়া প্রশিক্ষণ কেন্দ্ৰত অহা ২৫ ৰ পৰা ২৯ অক্টোবৰলৈ অস্মিতা ছাব জুনিয়ৰ আৰু জুনিয়ৰ মহিলা হকী লীগৰ আয়োজন কৰা হৈছে। হকী ইণ্ডিয়াৰ তত্বাৱধানত অসম হকী সন্থা আৰু কোকৰাঝাৰ হকী সন্থাই যুটীয়াভাৱে এই প্ৰতিযোগিতাৰ আয়োজন কৰিছে। হকীত মহিলাৰ অংশগ্রহণ বৃদ্ধি তথা উদীয়মান ক্রীড়া প্রতিভাক উৎসাহিত কৰাৰ লক্ষ্যৰে প্ৰতিযোগিতাখন আয়োজন কৰা হৈছে বুলি বি টি চিৰ কাৰ্যবাহী সদস্য তথা আয়োজক সমিতিৰ অধ্যক্ষ ডেৰহাচাত বসুমতাৰীয়ে আজি এখন সংবাদমেলত প্রকাশ কৰে। তেওঁ কয়, যে ...

October 23, 2026 7:03 PM

ধেমাজিত শ্ৰীমন্ত শংকৰদেৱ সংঘৰ সংস্কৃতি শাখা সমিতিৰ উদ্যোগত ৩ দিনীয়াকৈ ২৬ সংখ্যক কেন্দ্রীয় অংকীয়া নাট সমাৰোহ অনুষ্ঠিত

শ্ৰীমন্ত শংকৰদেৱ সংঘৰ সংস্কৃতি শাখা সমিতিৰ উদ্যোগত আৰু ধেমাজি জিলা শাখাৰ সহযোগত আজিৰে পৰা তিনি দিনীয়াকৈ ২৬ সংখ্যক কেন্দ্রীয় অংকীয়া নাট সমাৰোহ অনুষ্ঠিত হৈছে। ধেমাজি জিলা শাখাৰ নামঘৰ প্ৰাংগণত আয়োজিত এই নাট সমাৰোহত ৫৫ খন জিলা সমিতি তথা সংস্কৃতি উপ-সমিতিয়ে অংশ লৈছে। মহাপুৰুষজনাৰ অমূল্য সৃষ্টি অংকীয়া ভাওনাৰ প্ৰচাৰ আৰু প্ৰসাৰৰ বাবে বিগত ২৫ বছৰ ধৰি অংকীয়া নাট সমাৰোহৰ আয়োজন কৰি অহা হৈছে বুলি উদ্যোক্তাসকলে জনাইছে। কাৰ্যসূচীৰ সৈতে সংগতি ৰাখি আজি আঁৰিয়া নামৰ এখন স্মৃতি গ্ৰন্থ উন্মোচন কৰা হয়৷

October 23, 2026 6:58 PM

তামুলপুৰ জিলাৰ শিক্ষক দম্পতিৰ বাসগৃহত চোৰে লুটিলে প্ৰায় ১৫ লাখ টকাৰ সোণৰ আ-অলংকাৰ আৰু নগদ ধন

তামুলপুৰ জিলাৰ সৌৰাগুৰি আৰক্ষী থানাৰ অন্তৰ্গত এজন লোকৰ বাসগৃহত আজি দিনৰভাগত চুৰি কাণ্ড সংঘটিত হয়। শিক্ষক দম্পতি আৰু তেওঁলোকৰ কন্যা বিদ্যালয়ত থকাৰ সুযোগ লৈ চোৰে প্ৰায় ১৫ লাখ টকাৰ সোণৰ আ-অলংকাৰ আৰু নগদ ধন লৈ পলায়ন কৰে। চুৰি কাণ্ডৰ খবৰ পোৱাৰ পাছতে আৰক্ষীয়ে ঘটনাস্থলীত উপস্থিত হৈ তদন্ত আৰম্ভ কৰে। জিলাখনত বিগত কেইবাদিনো ধৰি চোৰে সন্ত্ৰাস চলাই অহা বুলি আমাৰ তামুলপুৰৰ সংবাদদাতাই জনাইছে।

October 23, 2026 6:57 PM

অসমৰ প্ৰতিভাশালী ক্ৰিকেটাৰ জিণ্টিমণি কলিতাৰ আন্তঃৰাষ্ট্ৰীয় এদিনীয়া মহিলা ক্রিকেটত অভিষেক

অসমৰ প্ৰতিভাশালী ক্ৰিকেটাৰ জিণ্টিমণি কলিতাৰ আজি আন্তঃৰাষ্ট্ৰীয় এদিনীয়া মহিলা ক্রিকেটত অভিষেক ঘটিছে। ভাৰত আৰু জিম্বাব'ৱেৰ মাজৰ এদিনীয়া ক্ৰিকেট শৃংখলাৰ আজি বডোডৰাত অনুষ্ঠিত খেলখনৰ মূল একাদশত স্থান লাভ কৰাৰ লগে লগে জিণ্টিমণিয়ে অসমৰ তৃতীয়গৰাকী ক্ৰিকেটাৰ হিচাপে আন্তঃৰাষ্ট্ৰীয় অভিষেক ঘটায়। ইয়াৰ আগেয়ে অসমৰ উমা চেত্ৰী আৰু ৰিয়ান পৰাগে ভাৰতৰ চিনিয়ৰ দলৰ হৈ আন্তঃৰাষ্ট্ৰীয় অভিষেক ঘটাইছিল। উল্লেখযোগ্য যে আজি বডোডৰাত অনুষ্ঠিত খেলখনত এই বাতৰি যুগুতোৱাৰ পৰলৈকে জিম্বাবৱেই প্ৰথমে বেট ধৰি ৪৬ অ'ভাৰত ৯ টা...

October 23, 2026 6:41 PM

ফ্রেন্স অপেন বেডমিণ্টনত অসমৰ অস্মিতা চলিহাৰ স্বপ্নৰ দৌৰৰ অন্ত

ফ্রেন্স অপেন বেডমিণ্টন প্রতিযোগিতাত অসমৰ অস্মিতা চলিহাৰ স্বপ্নৰ দৌৰৰ অন্ত পৰিছে। প্রতিযোগিতাখনৰ আজি অনুষ্ঠিত মহিলাৰ একক শাখাৰ কোৱাৰ্টাৰ ফাইনেলত অস্মিতা জাপানৰ নজমি অক’হাৰাৰ বিৰুদ্ধে পৰাস্ত হয়। অৱশ্যে, ভাৰতৰ পি ভি সিন্ধুৱে প্ৰতিযোগিতাখনৰ ছেমি ফাইনেলত প্ৰৱেশ কৰিছে। আজি অনুষ্ঠিত আন এখন কোৱাৰ্টাৰ ফাইনেলত সিন্ধুৱে চাইনিজ টাইপেৰ শ্বিউ পিন শ্বিয়ানক পৰাস্ত কৰে।

October 23, 2026 6:21 PM

কাইলৈ নিশা ৮ বাজি ২ মিনিটত আকাশবাণী গুৱাহাটীৰ বাতৰি বিভাগৰ ‘দৃষ্টিপাত’ অনুষ্ঠান

আকাশবাণী গুৱাহাটীৰ বাতৰি বিভাগৰ দৃষ্টিপাত অনুষ্ঠানত কাইলৈ নিশা ৮ বাজি ২ মিনিটত ওস্তাদ বিছমিল্লা খাঁ ৰাষ্ট্ৰীয় যুৱ পুৰস্কাৰপ্ৰাপ্ত অসমৰ লোকসংগীত শিল্পী হীৰকজ্যোতি শৰ্মা আৰু দিলীপ হীৰাৰ সৈতে হোৱা সাক্ষাৎকাৰ প্ৰচাৰ কৰা হ'ব। শ্রোতাসকলে অনুষ্ঠান চলি থকাৰ সময়ত ০৩৬১-২৬৬১৮৭৬ আৰু ৯৪৩৫৪-০৫২২২ নম্বৰলৈ ফোন কৰি শিল্পী দুগৰাকীৰ সৈতে পোনপটীয়াকৈ কথা পাতিব পাৰিব। অনুষ্ঠানটিৰ আঁত ধৰিব অৰুণিমা গোস্বামীয়ে। শ্ৰোতাসকলে আকাশবাণী গুৱাহাটীৰ বাতৰি বিভাগৰ ইউ টিউব চেনেল আৰু ফে'চবুক পেজৰ জৰিয়তেও অনুষ্ঠানটো শুনিবলৈ পাব।

October 23, 2026 6:15 PM

চৰকাৰৰ প্ৰতিটো নীতি আৰু প্ৰতিটো কাৰ্যব্যৱস্থাৰ সময়ত যুৱসমাজে সদায়েই কেন্দ্ৰবিন্দুত অৱস্থান গ্ৰহণ কৰি আহিছেঃ প্রধানমন্ত্ৰী

প্রধানমন্ত্ৰী নৰেন্দ্ৰ মোদীয়ে কয় যে তেওঁৰ চৰকাৰৰ প্ৰতিটো নীতি আৰু প্ৰতিটো কাৰ্যব্যৱস্থাৰ সময়ত যুৱসমাজে সদায়েই কেন্দ্ৰবিন্দুত অৱস্থান গ্ৰহণ কৰি আহিছে। নতুন দিল্লীৰ ভাৰত মণ্ডপমত আয়োজিত চিন্ময় অমৃত মহোৎসৱ গোলকীয় সন্মিলন আনুষ্ঠানিকভাৱে উদ্বোধন কৰি শ্ৰীমোদীয়ে এই কথা প্ৰকাশ কৰে। তেওঁ লগতে কয় যে বিগত ২৫ বছৰত চৰকাৰৰ মুৰব্বী হিচাপে তেওঁ নিজৰ সম্পূৰ্ণ সামর্থৰে দেশৰ প্ৰতি সেৱা আগবঢ়াই আহিছে। প্রধানমন্ত্রীয়ে লগতে কয়, যে পূৰ্বে ভাৰতৰ পৰা চুৰি কৰি নিয়া মূর্তিকে ধৰি ৬৫০ বিধ পৌৰাণিক সামগ্ৰী চৰকাৰে ব...

October 23, 2026 6:11 PM

দিল্লীত অনুষ্ঠিত বিত্তীয় স্থিৰতা আৰু উন্নয়ন পৰিষদ এফ এছ ডি চিৰ ৩০ সংখ্যক বৈঠকত বিত্ত মন্ত্ৰী নিৰ্মলা সীতাৰমনৰ অধ্যক্ষতা

কেন্দ্ৰীয় বিত্ত মন্ত্ৰী নিৰ্মলা সীতাৰমনে আজি নতুন দিল্লীত অনুষ্ঠিত বিত্তীয় স্থিৰতা আৰু উন্নয়ন পৰিষদ এফ এছ ডি চিৰ ৩০ সংখ্যক বৈঠকত অধ্যক্ষতা কৰিছে। উল্লেখযোগ্য যে এফ এছ ডি চিয়ে দেশীয় আৰু বিশ্বৰ প্ৰেক্ষাপটত সামগ্ৰিক বিত্তীয় পৰিস্থিতিৰ প্ৰাৰম্ভিক ধাৰাসমূহৰ বিষয়ে বিবেচনা কৰি ব্যৱস্থা গ্ৰহণ কৰে। বিত্তীয় প্ৰক্ৰিয়াৰ স্থায়িত্বৰ হকে প্রয়োজনীয় সুৰক্ষামূলক ব্যৱস্থা গ্ৰহণ কৰাৰ লগতে বিত্তীয় স্থায়িত্বৰ ক্ষেত্ৰত দেখা দিব পৰা প্ৰত্যাহ্বানসমূহ চিনাক্ত কৰি এই পৰিষদে প্রয়োজনীয় কাৰ্যব্যৱস্থা গ্ৰহণ কৰ...

October 23, 2026 5:46 PM

তিব্বতৰ বাকেন প্ৰদেশত ৰিখটাৰ স্কেলত ৭ প্ৰাৱল্যৰ ভূমিকম্পত ১৬ জন লোকৰ মৃত্যু হোৱাৰ লগতে ৫৪ জনৰো অধিক লোক আহত

তিব্বতৰ নাগকু চহৰৰ বাকেন প্ৰদেশত কালি সন্ধিয়া ৰিখটাৰ স্কেলত ৭ প্ৰাৱল্যৰ ভূমিকম্পত ১৬ জন লোকৰ মৃত্যু হোৱাৰ লগতে ৫৪ জনৰো অধিক লোক আহত হয়। ভূমিকম্পত কেইবাশ বাসগৃহ ধ্বংস হোৱাৰ লগতে শিল খহি পৰে। ক্ষতিগ্রস্ত স্থানত ১,৬০০ৰো অধিক সুৰক্ষা বাহিনীৰ লোকে উদ্ধাৰ অভিযান চলাই আছে। নাগকু সংবাদ মাধ্যমৰ কাৰ্যালয়ে প্ৰকাশ কৰা মতে ভূমিকম্পত কমেও ৩৩৯ টা বাসগৃহ ধ্বংস হোৱাৰ লগতে পশুধন ৰখা ২০ টা স্থান ক্ষতিগ্রস্ত হয়। অঞ্চলটোৰ বিভিন্ন অংশত যোগাযোগ ব্যাহত হৈ পৰাৰ উপৰি ৰে’ল কৰ্তৃপক্ষই সতর্কতামূলক ব্যৱস্থা হিচাপে ৰে'ল স...

October 23, 2026 4:45 PM

এছিয়ান পেৰা গেমছ ২০২৬ৰ পেৰা বেডমিণ্টনত সোণৰ পদক লাভ কৰা ভাৰতৰ খেলুৱৈ নীতেশ কুমাৰক ৰাষ্ট্ৰপতি মুর্মুৰ অভিনন্দন

জাপানৰ আইচি নাগোয়াত অনুষ্ঠিত এছিয়ান পেৰা গেমছ ২০২৬ৰ পেৰা বেডমিণ্টন প্রতিযোগিতাৰ পুৰুষৰ একক শাখাত সোণৰ পদক লাভ কৰা ভাৰতৰ খেলুৱৈ নীতেশ কুমাৰক ৰাষ্ট্ৰপতি শ্ৰীমতী দ্রৌপদী মুর্মুৱে অভিনন্দন জনাইছে। সামাজিক মাধ্যমযোগে প্ৰচাৰ কৰা এটা বাৰ্তাত শ্ৰী মতী মুর্মুৱে কয়, যে এই প্রতিযোগিতাত চূড়ান্ত বিজয়ীৰ সন্মান অৰ্জন কৰাৰ জৰিয়তে নীতেশে গাইগুটীয়াভাৱে অধিক সাফল্যৰ অধিকাৰী হোৱাৰ লগতে দেশবাসীকো আনন্দ উদযাপনৰ সুযোগ দিলে। খেলুৱৈগৰাকীৰ এই ধাৰাবাহিক সাফল্যই প্ৰতিগৰাকী ভাৰতীয়ক, বিশেষকৈ যুৱ সম্প্ৰদায়ক অনুপ্ৰাণি...

Social Media Links