কোকৰাঝাৰৰ কঠালগুৰিৰ ভাৰতীয় ক্রীড়া প্ৰাধিকৰণৰ ক্ৰীড়া প্রশিক্ষণ কেন্দ্ৰত অহা ২৫ ৰ পৰা ২৯ অক্টোবৰলৈ অস্মিতা ছাব জুনিয়ৰ আৰু জুনিয়ৰ মহিলা হকী লীগৰ আয়োজন কৰা হৈছে।
হকী ইণ্ডিয়াৰ তত্বাৱধানত অসম হকী সন্থা আৰু কোকৰাঝাৰ হকী সন্থাই যুটীয়াভাৱে এই প্ৰতিযোগিতাৰ আয়োজন কৰিছে। হকীত মহিলাৰ অংশগ্রহণ বৃদ্ধি তথা উদীয়মান ক্রীড়া প্রতিভাক উৎসাহিত কৰাৰ লক্ষ্যৰে প্ৰতিযোগিতাখন আয়োজন কৰা হৈছে বুলি বি টি চিৰ কাৰ্যবাহী সদস্য তথা আয়োজক সমিতিৰ অধ্যক্ষ ডেৰহাচাত বসুমতাৰীয়ে আজি এখন সংবাদমেলত প্রকাশ কৰে।
তেওঁ কয়, যে অসম, পশ্চিমবংগ, ওড়িশা, মিজোৰাম আৰু বিহাৰৰ মুঠ ৮ টা দলে এই প্রতিযোগিতাত অংশ ল’ব।
