ডাউনলোড
মোবাইল এপ
October 21, 2026 8:41 PM
4
বাক্সা জিলাৰ শালবাৰীৰ ৰূপহীত চতুৰ্থ বাৰ্ষিক মাইনাও খেৰাই মেলা আৰু ৫৮ সংখ্যক বাথৌ মেলা ৭ দিনীয়া কাৰ্যসূচীৰে আৰম্ভ হৈছে। অনুষ্ঠানৰ সৈতে সংগতি ৰাখি প্ৰতিটো দিনতে সাংস্কৃতিক কাৰ্যসূচীৰ আয়োজন কৰা হৈছে। কালি অনুষ্ঠানৰ অংশহিচাপে আয়োজিত মুকলি সভাত অংশ লৈ মন্ত্ৰী বিশ্বজিৎ দৈমাৰীয়ে মাইনাও পূজাৰ তাৎপর্য ব্যাখ্যা কৰে।
October 6, 2026 6:40 PM
11
শিলচৰ পৌৰ নিগমৰ নিৰ্বাচনৰ ভোটগণনা চলি আছে। বৰ্তমানলৈ লাভ কৰা তথ্য অনুসৰি বিজেপিয়ে ২৩ টা ৱাৰ্ডত জয়লাভ কৰিছে আৰু মিত্ৰদল অসম গণ পৰিষদে দুটা ৱাৰ্ড হস্তগত কৰিবলৈ সমৰ্থ হৈছে। ২৯ আৰু ৩০ নম্বৰ ৱাৰ্ডত পুনৰ ভোটগণনাৰ নিৰ্দেশ দিয়া হৈছে। ৱাৰ্ড দুটাত পুনৰ গণনা চলি আছে।
October 5, 2026 8:36 PM
11
ৰাজ্য চৰকাৰৰ জলসম্পদ বিভাগৰ ঢকুৱাখনা জলসম্পদ সংমণ্ডলৰ অধীনত দুখন গুৰুত্বপূৰ্ণ আঁচনিৰ নিৰ্মাণ কাৰ্যৰ আজি আধাৰশিলা স্থাপন কৰা হয়। ইয়াৰে প্ৰথমখন আঁচনিৰ অধীনত কঢ়া নদীৰ মৌখোৱা মথাউৰিৰ উচ্চতা বৃদ্ধি আৰু সবলীকৰণ কাৰ্য ৰূপায়ণ কৰা হ'ব। দ্বিতীয়খন আঁচনিত চাৰিকৰিয়া নদীৰ হুজগাঁও, মাণিকপুৰ, চেতিয়াগাঁও আৰু ঘিলাগুৰি গাঁৱৰ খহনীয়া প্ৰতিৰোধৰ বাবে ব্যৱস্থা গ্ৰহণ কৰা হৈছে। অঞ্চলটোৰ দীৰ্ঘদিনীয়া বান আৰু খহনীয়া সমস্যা সমাধানৰ লক্ষ্যৰে ৰূপায়ণ কৰিবলগীয়া এই আঁচনিসমূহৰ আধাৰশিলা স্থাপন কাৰ্যসূচীত লখিমপুৰ লোকসভা ...
September 24, 2026 4:00 PM
30
দেশৰ অন্যান্য প্ৰান্তৰ লগতে ধেমাজি জিলাতো যোৱা ১৭ ছেপ্তেম্বৰৰ পৰা অহা ২ অক্টোবৰলৈকে স্বচ্ছতাই সেৱা শীৰ্ষক স্বচ্ছ ভাৰত মিছনৰ কাৰ্যসূচী ৰূপায়িত হৈ আছে। প্রধানমন্ত্ৰী নৰেন্দ্ৰ মোদীৰ জন্মবার্ষিকী আৰু মোদীৰ সুশাসনৰ ২৫ বছৰীয়া কাৰ্যকালৰ লগত সংগতি ৰাখি সেৱা সংকল্প অভিযান উপলক্ষে স্বচ্ছতা কার্যসূচী ব্যাপক কৰি তোলাৰ উদ্দেশ্যে জিলাখনৰ বিভিন্ন বিভাগে ভালেসংখ্যক কাৰ্যসূচী গ্ৰহণ কৰিছে। জিলাখনৰ পঞ্চায়ত আৰু গ্রামোন্নয়ন বিভাগ, জনস্বাস্থ্য কাৰিকৰী বিভাগ, ধেমাজি পৌৰ সভা, শিক্ষা, স্বাস্থ্য আদি সকলো বিভাগেই এই ক...
September 12, 2026 5:46 PM
15
অসম চিকিৎসা মহাবিদ্যালয় আৰু চিকিৎসালয়ত আজি জলাতংক ৰোগৰ প্ৰতিষেধক অভিযান আৰম্ভ কৰা হয়। ডিব্ৰুগড় পশুপালন আৰু পশু চিকিৎসা বিভাগৰ সহযোগত পশু কল্যাণমূলক বেচৰকাৰী সংস্থাৰ স্বেচ্ছাসেৱকসকলে এই অভিযান সম্পন্ন কৰে। উল্লেখযোগ্য যে পূৰ্বেও ৭০ টাৰো অধিক কুকুৰক টিকাকৰণ কৰাৰ পাছত আজি অসম চিকিৎসা মহাবিদ্যালয় চৌহদৰ বিভিন্ন গুৰুত্বপূৰ্ণ স্থানত ২০ টাতকৈ অধিক কুকুৰক এই টিকা দিয়া হয়। পশু কল্যাণ আৰু জনসুৰক্ষাৰ বাবে চিকিৎসালয় চৌহদত চলোৱা এই জলাতংক প্ৰতিৰোধী টিকাকৰণ অভিযানে গুৰুত্বপূৰ্ণ ভূমিকা পালন কৰিছে।
September 10, 2026 3:24 PM
14
ধেমাজি জিলা উদ্যোগ আৰু বাণিজ্য কেন্দ্ৰই ঋণৰ নামত আবেদনকাৰীসকলৰ পৰা অবৈধ ধন দাবী আৰু উৎকোচ লোৱাৰ অভিযোগ তুলি আজি অসম জাতীয়তাবাদী যুৱ পৰিষদে বিভাগটোৰ বিৰুদ্ধে বিক্ষোভ কাৰ্যসূচী ৰূপায়ণ কৰে। বিভাগটোত ঋণৰ ফাইল প্রস্তুত, প্রজেক্ট ৰিপোৰ্ট তৈয়াৰ, বেংকৰ ফাইল প্ৰেৰণ কৰাৰ নামত নিবনুৱা যুৱক-যুৱতীসকলৰ পৰা ৩ হাজাৰৰ পৰা ১০ হাজাৰ টকা পৰ্যন্ত উৎকোচ দাবী কৰি অহা বুলি সংগঠনটোৱে অভিযোগ কৰে। সংগঠনটোৰ ভালেসংখ্যক সদস্যই এই প্রতিবাদী কাৰ্যসূচীত অংশ লয়।
September 10, 2026 12:52 PM
14
কাছাৰ আৰক্ষীয়ে যোৱা নিশা বাঁশকান্দি আৰক্ষী চকীৰ অধীনৰ আলগাপুৰৰ এটা গুদামত অভিযান চলাই ১৭ কুইণ্টল বার্মিজ আফুগুটি জব্দ কৰে। আৰক্ষীয়ে আফুগুটি সৰবৰাহৰ সৈতে জড়িত চাৰিজন লোকক গ্ৰেপ্তাৰ কৰিছে। জব্দ হোৱা আফুগুটিখিনি ক'ৰপৰা অনা হৈছিল, ইয়াৰ সৰবৰাহৰ সৈতে কোনো চক্র জড়িত আছে নেকি সেই সন্দৰ্ভত তদন্ত আৰম্ভ কৰিছে।
September 7, 2026 1:16 PM
21
৪৬ সংখ্যক নৰোৰাম বৰ্মন সোঁৱৰণী ফুটবল প্রতিযোগিতাত নৰ্থ-ইষ্ট ইউনাইটেড এফ চিয়ে চূড়ান্ত বিজয়ীৰ সন্মান লাভ কৰিছে। নলবাৰীৰ চামতা আঞ্চলিক ক্রীড়া সংঘৰ খেলপথাৰত কালি অনুষ্ঠিত খেলখনত নৰ্থ-ইষ্ট ইউনাইটেডে অইল ইণ্ডিয়া এফ চিক ৩-২ গ'লৰ ব্যৱধানত পৰাস্ত কৰে।
September 7, 2026 1:09 PM
11
মৰিগাঁৱৰ ভুৰাগাঁও হৰিচৰণ সৰকাৰ উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ যজ্ঞৰাম নাথৰ যোৱা নিশা নিজা বাসভৱনত দেহাৱসান ঘটে। মৃত্যুৰ সময়ত তেওঁৰ বয়স হৈছিল ৮৫ বছৰ। বিভিন্ন সামাজিক- সাংস্কৃতিক কামৰ সৈতে জড়িত থকা যজ্ঞৰাম নাথ আকাশবাণী গুৱাহাটীৰ আবেলিৰ বেলি শীৰ্ষক এটা অনুষ্ঠানৰ সৈতেও আছিল। তেওঁৰ মৃত্যুত অঞ্চলটোত শোকৰ ছাঁ পৰিছে।
September 4, 2026 6:05 PM
15
দক্ষিণ শালমাৰা মানকাচৰ জিলাৰ হাটশিঙিমাৰী মহাবিদ্যালয়ৰ পুখুৰীত আজি দিনৰভাগত এটা মৃতদেহ উদ্ধাৰ হয়। স্থানীয় লোকে মৃতদেহটো প্ৰত্যক্ষ কৰি আৰক্ষীক অৱগত কৰাত আৰক্ষীয়ে ততালিকে ঘটনাস্থলীত উপস্থিত হৈ মৃত দেহটো উদ্ধাৰ কৰি মৰণোত্তৰ পৰীক্ষাৰ বাবে ধুবুৰী অসামৰিক চিকিৎসালয়লৈ প্ৰেৰণ কৰে। মৃত যুৱকজন মহাবিদ্যালয়ৰ কাষৰীয়া দাফাদাৰপাৰা গাঁৱৰ ছপিয়াল হুছেইন বুলি চিনাক্ত কৰা হৈছে। যুৱকজনে যোৱা নিশা মহাবিদ্যালয়খনত অনুষ্ঠিত নৱাগত আদৰণি সভাৰ সাংস্কৃতিক অনুষ্ঠানত অংশ লৈছিল বুলি পৰিয়ালৰ সূত্ৰই প্ৰকাশ কৰিছে। আৰক্ষ...
গোপনীয়তা নীতি | কপিৰাইট © 2026 নিউজ অন আইআৰ। সকলো অধিকাৰ সংৰক্ষিত
শেষ আপডেট কৰা হৈছে: 21st Oct 2026
