কেন্দ্ৰীয় প্ৰতিৰক্ষা মন্ত্ৰী ৰাজনাথ সিং, পথ পৰিবহণ আৰু ঘাইপথ মন্ত্ৰী নীতিন গাডকাৰী আৰু উত্তৰ প্ৰদেশৰ মুখ্যমন্ত্ৰী যোগী আদিত্য নাথে আজি বিয়লি লক্ষ্ণৌ-কাণপুৰ সংযোগী এক্সপ্ৰেছ ৱেৰ শুভাৰম্ভ কৰিব। তেওঁলোকে পথছোৱা পৰিদৰ্শন কৰি উন্নাৱৰ ৪৯ কিলোমিটাৰত পথছোৱা আনুষ্ঠানিকভাৱে শুভাৰম্ভ কৰিব।
৬টা লেনযুক্ত এই এক্সপ্ৰেছ ৱেত দেশৰ দ্বিতীয় দীর্ঘতম এলিভেটেড কৰ্ডিৰ আছে আৰু সম্পূর্ণ স্বয়ংক্রিয় তথা যন্ত্ৰ নিৰ্ভৰ প্ৰযুক্তি শৈলীৰে ইয়াক নিৰ্মাণ কৰা হৈছে।
এই পথছোৱাত গতিবেগৰ সীমা নির্ধাৰণৰ বাবে কৃত্রিম বুদ্ধিমত্তা ব্যৱহাৰ কৰাৰ লগতে দুই কিলোমিটাৰৰ মূৰে মূৰে জৰুৰীকালীন কলবক্স আৰু দুটা ২৪ ঘণ্টাই সক্ৰিয় হৈ থকা সংহত নিয়ন্ত্রণ কক্ষৰ ব্যৱস্থা ৰখা হৈছে।
যান-বাহনৰ সর্বাধিক গতিবেগ প্রতিঘণ্টাত ১২০ কিলোমিটাৰ ধাৰ্য কৰা এই পথছোৱাই লক্ষ্ণৌ আৰু কাণপুৰৰ মাজৰ যাত্ৰাৰ সময় ৩৫ৰ পৰা ৪৫ মিনিটলৈ হ্ৰাস কৰিবি বুলি আশা কৰা হৈছে। এই পথছোৱাৰে লঘু বাহনেৰে ভ্ৰমণ কৰিলে ২৭৫ টকা ব্যয় হ’ব আৰু দুচকীয়া বাহনক এই পথেৰে যাত্ৰা কৰিবলৈ অনুমতি দিয়া নহ’ব।
