દેશ આજે મહાન સ્વાતંત્ર્ય સેનાની સરદાર વલ્લભભાઈ પટેલને તેમની 151મી જન્મજયંતિ પર શ્રદ્ધાંજલિ આપી રહ્યો છે. આ દિવસને રાષ્ટ્રીય એકતા દિવસ તરીકે ઉજવવામાં આવે છે.
ભારતના લોખંડી પુરુષ તરીકે જાણીતા સરદાર પટેલે દેશના પ્રથમ નાયબ પ્રધાનમંત્રી અને ગૃહમંત્રી તરીકે સેવા આપી હતી અને 560 થી વધુ રજવાડાઓને એકીકૃત કરીને અખંડ ભારતનું નિર્માણ કરવામાં ઐતિહાસિક ભૂમિકા ભજવી હતી. આ પ્રસંગે, રાષ્ટ્રીય એકતા, શાંતિ અને ભાઈચારાના સંદેશને ફેલાવવા માટે દેશભરમાં વિવિધ સ્થળોએ રન ફોર યુનિટીનું પણ આયોજન કરવામાં આવી રહ્યું છે.
