રાષ્ટ્રપતિ દ્રૌપદી મુર્મૂએ આજે જણાવ્યું કે ગુણવત્તાયુક્ત શિક્ષણ વિના વિકસિત ભારત શક્ય નથી. શિક્ષક દિવસ નિમિત્તે નવી દિલ્હીમાં આયોજિત રાષ્ટ્રીય શિક્ષક પુરસ્કાર સમારોહ 2026ને સંબોધતા રાષ્ટ્રપતિએ કહ્યું કે જે સમાજ પોતાના શિક્ષકોનું સન્માન કરે છે, તે જ સાચા અર્થમાં પ્રગતિશીલ સમાજ છે.
રાષ્ટ્રપતિએ જણાવ્યું હતું કે ભારતને વિશ્વની કૌશલ્ય રાજધાની તરીકે સ્થાપિત કરવું અને જ્ઞાન શક્તિ બનવું એ દેશ માટે પ્રાથમિકતા છે. તેમણે જ્ઞાનને શક્તિનો સૌથી મોટો સ્ત્રોત ગણાવ્યો હતો.
રાષ્ટ્રપતિ મુર્મૂએ આજે 27 રાજ્યો, સાત કેન્દ્રશાસિત પ્રદેશો અને કેન્દ્ર સરકારના છ સંગઠનોના 48 પસંદગી પામેલા શાળાના શિક્ષકોને રાષ્ટ્રીય શિક્ષક પુરસ્કાર પ્રદાન કર્યા.
કેન્દ્રીય શિક્ષણ મંત્રી પ્રહલાદ જોશી, શિક્ષણ રાજ્ય મંત્રી જયંત સિંહ આ પ્રસંગે ઉપસ્થિત રહ્યા હતા.
