પ્રધાનમંત્રી નરેન્દ્ર મોદી આજે નવી દિલ્હીમાં શ્રી રામ કોલેજ ઓફ કોમર્સ SRCCના શતાબ્દી સમારોહમાં ઉપસ્થિત રહેશે. તેઓ આ પ્રસંગે સંબોધન પણ કરશે. દિલ્હી યુનિવર્સિટીની એક કોલેજ SRCC દેશની અગ્રણી ઉચ્ચ શિક્ષણ સંસ્થાઓમાંની એક છે. જે વાણિજ્ય, અર્થશાસ્ત્ર અને મેનેજમેન્ટના અભ્યાસક્રમો પ્રદાન કરે છે.
આ કોલેજની સ્થાપના 1926 માં ઉદ્યોગપતિ અને સમાજસેવી સર શ્રી રામ દ્વારા કરવામાં આવી હતી. છેલ્લા સો વર્ષોમાં સંસ્થાએ અસંખ્ય વિદ્વાનો, વ્યાવસાયિકો અને રાષ્ટ્ર નિર્માણમાં યોગદાન આપનાર પ્રતિભાઓનું સર્જન કર્યું છે.
