છઠના તહેવારને ધ્યાનમાં રાખીને ઉત્તર રેલવે આજથી દિલ્હી ક્ષેત્રના મુખ્ય રેલવે સ્ટેશનો પરથી 31 વિશેષ ટ્રેનોનું સંચાલન કરશે. રેલવેએ ગઈકાલે દિલ્હી ક્ષેત્રના મુખ્ય સ્ટેશનો પરથી 27 વિશેષ ટ્રેનો ચલાવી હતી.. રેલવેના વરિષ્ઠ અધિકારીઓ મોટા રેલવે સ્ટેશનો પર સ્થિતિ પર નજર રાખી રહ્યા છે.
દરમિયાન, સમગ્ર દિલ્હીમાં વિવિધ છઠ ઘાટ પર તૈયારીઓ પૂરજોશમાં ચાલી રહી છે. આ વર્ષે સમગ્ર દિલ્હીમાં 1400 થી વધુ છઠ ઘાટ પર વિસ્તૃત વ્યવસ્થા કરવામાં આવી રહી છે. દિલ્હીના મુખ્યમંત્રી રેખા ગુપ્તાએ છઠ પૂજાની તૈયારીઓની સમીક્ષા કરી હતી. તેમણે ભક્તો માટે યોગ્ય સુવિધાઓ સુનિશ્ચિત કરવા સંબંધિત વિભાગોને પણ નિર્દેશ આપ્યો હતો. આઉટર રીંગ રોડથી ઈન્દરલોક સુધી વિસ્તરેલી મુનાક કેનાલ સાથે 11 કિલોમીટર લાંબો છઠ ઘાટ વિકસાવવામાં આવ્યો છે. ભાજપના રાષ્ટ્રીય અધ્યક્ષ નીતિન નબીન આવતીકાલે ભવ્ય ઘાટનું ઉદ્ઘાટન કરશે.
આ ઉપરાંત, દિલ્હી સરકારે પણ છઠ પૂજાના કારણે 16 તારીખે જાહેર રજા જાહેર કરી છે. દિલ્હી સરકાર હેઠળની શાળાઓ, કોલેજો, સરકારી કચેરીઓ, સ્વાયત્ત સંસ્થાઓ અને જાહેર ક્ષેત્રના ઉપક્રમો આ દિવસે બંધ રહેશે.
