નાણામંત્રી નિર્મલા સીતારમણે કતારના વ્યવસાયોને ભારત સાથે વેપાર અને રોકાણ ભાગીદારી વધારવા અને દ્વિપક્ષીય આર્થિક સંબંધોને વધુ મજબૂત બનાવવા વિનંતી કરી છે.

દોહામાં કતારના બિઝનેસમેન એસોસિએશનના બિઝનેસ રાઉન્ડ ટેબલને સંબોધતા, તેમણે ભારતના મજબૂત આર્થિક વિકાસ, વધતા રોકાણ અને નાણાકીય વર્ષ 2025-26માં 94.5 બિલિયન યુએસ ડોલરથી વધુના રેકોર્ડ કુલ FDI પ્રવાહ પર પ્રકાશ પાડ્યો. તેમણે જાપાન ક્રેડિટ રેટિંગ દ્વારા ભારતના લાંબા ગાળાના ઇશ્યુઅર રેટિંગમાં તાજેતરના અપગ્રેડની પણ નોંધ લીધી.

અગાઉ, નાણામંત્રીએ કતારના વિદેશ વેપાર રાજ્યમંત્રી ડૉ. અહમદ બિન મોહમ્મદ અલ-સૈયદને મળ્યા. તેઓએ માળખાગત સુવિધાઓ, ખાદ્ય સુરક્ષા, ફાર્માસ્યુટિકલ્સ, પેટ્રોકેમિકલ્સ, શિક્ષણ, આરોગ્યસંભાળ અને સ્ટાર્ટ-અપ્સમાં રોકાણની તકો પર ચર્ચા કરી.

હોર્મુઝ સ્ટ્રેટ દ્વારા અવિરત દરિયાઈ નેવિગેશન અને વાણિજ્ય સહિતના મુદ્દાઓ અઁગે કતાર અને અન્ય ગલ્ફ દેશો સાથે સામાન્ય વેપાર પુનઃસ્થાપિત કરવાના મહત્વ પર શ્રીમતી સીતારમણે ભાર મૂક્યો.