દિલ્હીના મુખ્યમંત્રી રેખા ગુપ્તાએ નવી દિલ્હીના સત્ય નિકેતન વિસ્તારમાં થયેલી ઇમારત ધરાશાયી થવાની ઘટનાની ન્યાયિક તપાસનો આદેશ આપ્યો છે. તેમણે ઇમારતના માલિક સામે એફઆઈઆર નોંધવાનો પણ નિર્દેશ આપ્યો છે.

આ દરમિયાન, મોડી રાત્રે બીજો મૃતદેહ મળ્યા બાદ અકસ્માતમાં મૃત્યુઆંક છ થયો છે. સ્થળ પર રાહત અને બચાવ કામગીરી ચાલી રહી છે.

કેન્દ્રીય ગૃહમંત્રી અમિત શાહે દિલ્હીના મુખ્યમંત્રી રેખા ગુપ્તા, દિલ્હી પોલીસ કમિશનર અને રાષ્ટ્રીય આપત્તિ પ્રતિભાવ દળ (NDRF) ના મહાનિર્દેશક સાથે વાત કરીને સ્થળ પર પરિસ્થિતિની સમીક્ષા કરી. શ્રી શાહે કહ્યું કે ઘાયલોને તમામ જરૂરી તબીબી સહાય પૂરી પાડવામાં આવી રહી છે.

રાષ્ટ્રપતિ દ્રૌપદી મુર્મુ, પ્રધાનમંત્રી સહિતના નેતાઓએ આ ઘટનામાં મૃત્યુ પામનારના પરિવારો પ્રત્યે સંવેદના વ્યક્ત કરી હતી.