ભાવનગરની સર તખ્તસિંહજી જનરલ હોસ્પિટલ ખાતે સૌરાષ્ટ્રની પ્રથમ સરકારી જીવન અમૃત હ્યુમન મિલ્ક બેંકનો પ્રારંભ કરવામાં આવ્યો છે.
અંદાજે ૩૦ લાખ રૂપિયાના ખર્ચે વિકસાવાયેલી આ મિલ્ક બેંકમાં સ્વસ્થ ધાત્રી માતાઓ પાસેથી સ્વૈચ્છિક રીતે દાનમાં મળતા દૂધને એકત્રિત કરી, જરૂરી તપાસ અને પેશ્ચ્યુરાઇઝેશન બાદ સુરક્ષિત રીતે સંગ્રહિત કરવામાં આવશે. ત્યારબાદ તબીબી જરૂરિયાત મુજબ નવજાત શિશુઓને આ દૂધ ઉપલબ્ધ કરાવવામાં આવશે. ઓગસ્ટ અને સપ્ટેમ્બર દરમિયાન મોક ટ્રાયલ બાદ હવે કેન્દ્રની સેવાઓનો પ્રારંભ કરવામાં આવ્યો છે.
