એશિયન પેરા ગેમ્સમાં, ભારતની સુવર્ણા રાજે આજે દિવસનો પહેલો સુવર્ણ ચંદ્રક જીત્યો. તેણે મહિલાઓની F-54 ડિસ્કસ થ્રો ઇવેન્ટમાં 15.66 મીટરના શ્રેષ્ઠ પ્રદર્શન સાથે સુવર્ણ ચંદ્રક જીત્યો.
શીતલ દેવી અને તોમન કુમારે તીરંદાજી મિશ્ર ટીમ ફાઇનલમાં ઇન્ડોનેશિયાને હરાવીને સુવર્ણ ચંદ્રક જીત્યો.
પેરા-તીરંદાજીમાં, સ્વાતિ ચૌધરીએ મહિલા W-1 કેટેગરીમાં રજત ચંદ્રક જીત્યો.
પેરા ટેબલ ટેનિસમાં, ભાવીના પટેલ અને શુભમ વાધવાએ જાપાનની જોડીને હરાવીને મિક્સ ડબલ્સ XD7 માં મેડલ નિશ્ચિત કર્યો.
ભારતે પેરા-બેડમિન્ટનમાં પણ અનેક કાંસ્ય ચંદ્રક જીત્યા. મનીષા રામદાસ અને પ્રમોદ ભગત મિશ્ર ડબલ્સ સેમિફાઇનલમાં, સંજના કુમારીએ મહિલા સિંગલ્સ SL-3 માં સુહાસ યતિરાજ અને અભિજીત સખુજાએ પુરુષો સિંગલ્સમાં SL-4 માં ને કૃષ્ણા નાગર અને નિત્ય શ્રીએ ડબલ્સ SH-6 માં કાંસ્ય ચંદ્રક જીત્યા.
આ દરમિયાન, ભારતના તુલસિમથી મુરુગેસન અને નિતેશ કુમાર મિશ્ર ડબલ્સ SL-3-SU-5 ઇવેન્ટની ફાઇનલમાં પહોંચી ગયા છે. ફાઇનલમાં તેમનો સામનો ઇન્ડોનેશિયાની જોડી સામે થશે.
