અમદાવાદના દાણીલીમડા પોલીસે 200 ગ્રામ કેફી પદાર્થ સાથે એક વ્યક્તિની ધરપકડ કરી છે. પોલીસને મળેલી બાતમીના આધારે આ ધરપકડ કરીને NDPSની કલમો હેઠળ કેસ નોંધવામાં આવ્યો છે. પોલીસ નશાકારક પદાર્થના ફરાર સપ્લાયરની શોધ કરી રહી હોવાનું એસીપી યુવરાજ સિંહ ગોહિલે જણાવ્યું હતું.
એક વ્યક્તિની અટકાયત કરતાં તેની પાસેથી ૨૦૦ ગ્રામ ગાંજાનો જથ્થો મળી આવ્યો હતો, જેની કિંમત આશરે ૧૦ હજાર રૂપિયા છે. પકડાયેલા વ્યક્તિનું નામ યુનુસ છે. તે છૂટક ગાંજાના વેચાણનું કામ કરતો હોવાનું સામે આવ્યું છે. આ ગાંજાનો જથ્થો તેને સલમાન નામના વ્યક્તિએ આપ્યો હોવાનું જાણવા મળ્યું છે. સલમાન હાલ ફરાર છે અને પોલીસે તેની શોધખોળ હાથ ધરી છે.
