અમદાવાદ સિવિલ હોસ્પિટલના બાળ સર્જરી વિભાગના કુશળ તબીબોએ વધુ બે અત્યંત જટિલ કેસોમાં સફળ સર્જરી પાર પાડીને બે બાળકીઓના જીવ બચાવ્યા છે. બાળકો દ્વારા રમતાં-રમતાં કે અજાણતાં ગળી ગયેલી વસ્તુઓ સમયસર બહાર ન નીકળે તો તે જીવલેણ સાબિત થઈ શકે છે, ત્યારે સિવિલ હોસ્પિટલના તબીબોની ત્વરિત અને યોગ્ય સમયસરની કામગીરીથી બંને બાળકીઓનો જીવ ઉગારી લેવાતાં બે પરિવારમાં દિવાળીમાં ખુશીઓ પાછી આવી હોવાનું અમદાવાદ સિવિલ હોસ્પિટલના અધિક્ષક ડો. રાકેશ જોશીએ કહ્યું હતું.