Akashvani Guwahati | আকাশবাণী নিউজ

November 9, 2026 9:27 PM

শিৱসাগৰ জিলা প্ৰশাসনে আজি পুনৰ উচ্ছেদ অভিযান

শিৱসাগৰৰ ঐতিহাসিক যমুনা জলাশয়ত হোৱা অবাধ দখলৰ বিৰুদ্ধে আজি শিৱসাগৰ জিলা প্ৰশাসনে আজি পুনৰ উচ্ছেদ অভিযান চলায়। দীপাৱলী উপলক্ষে প্রশাসনে কালি উচ্ছেদ অভিযান বন্ধ ৰাখিছিল যদিও আজি পুৱাৰ পৰা পুনৰ উচ্ছেদ অভিযান আৰম্ভ হয়। প্রশাসনে জলাশয়ৰ ভূমিত অবৈধভাৱে গঢ়ি উঠা বাসগৃহ, ব্যৱসায়ীক প্ৰতিষ্ঠানত উচ্ছেদ চলায়। ধোৱাপট্টিত যোৱা শনিবাৰে উচ্ছেদ চলোৱাৰ পাছত আজি শিৱদৌলৰ সন্মুখৰ পৰা উচ্ছেদ অভিযান আৰম্ভ হয়। সদৌ টাই-আহোম ছাত্ৰ সন্থা আৰু শিৱসাগৰ জিলা প্ৰশাসনৰ মাজত শেহতীয়াকৈ অনুষ্ঠিত বৈঠকৰ অন্তত এই উচ্ছেদ অভিযান...

November 9, 2026 7:48 PM

গুজৰাটত ১,৪০০ কোটি টকা ব্যয় সাপেক্ষে নির্মাণ হ’বলগীয়া বহুকেইটা প্ৰকল্পৰ আধাৰশিলা স্থাপন গৃহমন্ত্ৰী অমিত শ্বাহৰ

Amitকেন্দ্ৰীয় গৃহ আৰু সমবায় মন্ত্ৰী অমিত শ্বাহে আজি গুজৰাটত ১,৪০০ কোটি টকা ব্যয় সাপেক্ষে নির্মাণ হবলগীয়া বহুকেইটা প্ৰকল্পৰ আধাৰশিলা স্থাপন কৰে। ইয়াৰ ভিতৰত মন্ত্ৰীগৰাকীয়ে নিজা সমষ্টি গান্ধীনগৰত এহেজাৰ কোটিতকৈ অধিক টকা ব্যয় সাপেক্ষে নির্মাণ হবলগীয়া প্রায় ৩০ টা প্ৰকল্পৰ আধাৰশিলা স্থাপন কৰে। অনুষ্ঠানত মন্ত্ৰীগৰাকীয়ে গুজৰাটত পাৰ কৰা পুৰণি সময়ৰ কথা স্মৰণ কৰে। মন্ত্ৰীগৰাকীয়ে ৰামপুৰৰ পাহাৰীয়া অঞ্চলৰ পৰা সমাজ সেৱক হিচাপে জীৱন আৰম্ভ কৰাৰ কথা বহু কম সংখ্যক লোকেহে জানে বুলিও তেওঁ প্ৰকাশ কৰে। শ্...

November 9, 2026 6:14 PM

নগাঁও লোকসভা সমষ্টিৰ উপ-নিৰ্বাচনৰ বিজয় উৎসৱ উপলক্ষে মৰিগাঁও জিলাৰ লাহৰীঘাটত উপস্থিত মুখ্যমন্ত্ৰী হিমন্ত বিশ্ব শৰ্মা

নগাঁও লোকসভা সমষ্টিৰ উপ-নিৰ্বাচনৰ বিজয় উৎসৱ উপলক্ষে মুখ্যমন্ত্ৰী হিমন্ত বিশ্ব শৰ্মা আজি মৰিগাঁও জিলাৰ লাহৰীঘাটত উপস্থিত হয়। লাহৰিঘাটৰ তিনিচুকীয়াত অনুষ্ঠিত ৰাজহুৱা সভাত অংশ লৈ তেওঁ নিৰ্বাচনৰ পূৰ্বে ৰাইজক দিয়া প্ৰতিশ্ৰুতি পালন কৰা হ'ব ঘোষণা কৰে। ভাষণত মুখ্যমন্ত্ৰী ড০ শৰ্মাই কয়, যে সমষ্টিটোৰ সকলো মৌলিক সমস্যা সমাধানৰ বাবে চৰকাৰ বদ্ধপৰিকৰ। নগাঁও লোকসবা সমষ্টিৰ সাংসদ দেৱাশিষ শৰ্মাৰ জৰিয়তে সমষ্টিটোৰ সকলো কাম আগবঢ়াই নিয়া বুলি তেওঁ কয়। লাহৰিঘাট সমষ্টিৰ সকলো যোগ্য হিতাধিকাৰীক অৰুণোদয় আঁচনিত অন্...

November 9, 2026 5:50 PM

কৰ্কট ৰোগৰ চিকিৎসাত ব্যৱহৃত ১৩৭ বিধ ঔষধৰ সংশোধিত মূল্য আজিৰে পৰা দেশজুৰি প্ৰযোজ্য

কৰ্কট ৰোগৰ চিকিৎসাত ব্যৱহৃত ১৩৭ বিধ ঔষধৰ সংশোধিত মূল্য আজিৰে পৰা দেশজুৰি প্ৰযোজ্য হৈছে। ৰাষ্ট্ৰীয় ঔষধ মূল্য নিৰ্ধাৰণ প্ৰাধিকৰণ, NPPA-ই ইতিমধ্যে এই ঔষধসমূহৰ সৰ্বাধিক খুচুৰা মূল্যত থকা লাভৰ সীমা নিৰ্ধাৰণ কৰি দিছিল। উল্লেখযোগ্য যে স্বাস্থ্য সেৱা মহানিৰ্দেশালয়ৰ বিশেষজ্ঞ সমিতিৰ পৰামৰ্শ অনুসৰি এই সিদ্ধান্ত গ্ৰহণ কৰা হৈছে। এতিয়ালৈ ৭৬টা ঔষধ কোম্পানীয়ে কৰ্কট ৰোগ প্ৰতিৰোধী ঔষধৰ এহেজাৰ ২২৫ বিধত সংশোধিত খুচুৰা মূল্য ঘোষণা কৰিছিল। ইয়াৰে ৩১ বিধৰ মূল্য হ্ৰাস কৰা হৈছে। ৬০০ বিধতকৈ অধিক ঔষধৰ দাম ৫০ শতাংশতকৈ ...

November 7, 2026 9:23 PM

স্কাউট আৰু গাইডৰ মুখ্য পৃষ্ঠপোষক লক্ষ্মণ প্রসাদ আচাৰ্যৰ স্কাউট আৰু গাইডৰ ৭৬ সংখ্যক প্ৰতিষ্ঠা দিৱস উপলক্ষে যুৱ সদস্যসকলৰ সৈতে মত-বিনিময়

ৰাজ্যপাল তথা স্কাউট আৰু গাইডৰ মুখ্য পৃষ্ঠপোষক লক্ষ্মণ প্রসাদ আচাৰ্যই ৭৬ সংখ্যক প্ৰতিষ্ঠা দিৱস উপলক্ষে সংস্থাটোৰ কামৰূপ মহানগৰ জিলাৰ জিলা পৰ্যায়ৰ যুৱ সদস্যসকলৰ সৈতে মত-বিনিময় কৰে। অনুষ্ঠানত ৰাজ্যপালগৰাকীয়ে স্কাউট আৰু গাইড বেজ মুকলি কৰে। এই উপলক্ষে ৰাজ্যপাল শ্রীআচাৰ্য্যই কয় যে ভাৰত স্কাউট আৰু গাইড সংস্থাই যুৱ প্ৰজন্মৰ মাজত নিয়মানুৱৰ্তিতা, নেতৃত্বত, দেশপ্ৰেম আৰু সামাজিক সেৱাৰ মনোভাৱ যোগাই তোলাত গুৰুত্বপূৰ্ণ ভূমিকা পালন কৰি আহিছে। সংস্থাটোৱে ইয়াৰ জৰিয়তে ৰাষ্ট্ৰ গঠন প্ৰক্ৰিয়াটো উল্লেখযোগ্য অৱ...

November 7, 2026 9:09 PM

যুৱ অলিম্পিকত পুৰুষৰ ২০০ মিটাৰ বাটাৰফ্লাই শিতানত অসমৰ প্ৰতিভাৱান সাঁতোৰবিদ তীৰ্থংক পেগুৰ ব্ৰঞ্জৰ পদক অৰ্জন

অসমৰ প্ৰতিভাৱান সাঁতোৰবিদ তীৰ্থংক পেগুৱে যুৱ অলিম্পিকত পুৰুষৰ ২০০ মিটাৰ বাটাৰফ্লাই শিতানত ব্ৰঞ্জৰ পদক অৰ্জন কৰি ৰাজ্যলৈ গৌৰৱ কঢ়িয়াই আনিছে। এই সাফল্যৰে তীৰ্থংক যুৱ অলিম্পিকত পদক লাভ কৰা দেশৰ প্ৰথমগৰাকী পুৰুষ সাঁতোৰবিদ হিচাপে পৰিগণিত হৈছে। মুখ্যমন্ত্ৰী ড০ হিমন্ত বিশ্ব শৰ্মাই খেলুৱৈগৰাকীক এই কৃতিত্বৰ বাবে অভিনন্দন জ্ঞাপন কৰিছে। ড০ শৰ্মাই আজি সামাজিক মাধ্যমযোগে দিয়া এটা বাৰ্তাত কয়, যে খেলুৱৈগৰাকীৰ এই সাফল্যই অসম তথা সমগ্ৰ দেশলৈ গৌৰৱ কঢ়িয়াই আনিছে। তেওঁ লগতে তীর্থংকৰ উজ্বল ভৱিষ্যৎ কামনা কৰে।

November 7, 2026 9:07 PM

এন টি পি চি বঙাইগাঁৱৰ ৰাষ্ট্ৰীয় তাপবিদ্যুৎ নিগম লিমিটেডৰ ৫২ সংখ্যক প্ৰতিষ্ঠা দিৱস পালন

এন টি পি চি বঙাইগাঁৱে আজি ৰাষ্ট্ৰীয় তাপবিদ্যুৎ নিগম লিমিটেডৰ ৫২ সংখ্যক প্ৰতিষ্ঠা দিৱস উৎসাহ উদ্দীপনাৰে পালন কৰে। অনুষ্ঠানত এন টি পি চি বঙাইগাওঁৰ কাৰ্যবাহী সঞ্চালক তথা প্ৰকল্প মুৰববী অৰ্ণৱ মৈত্ৰই পতাকা উত্তোলন কৰে। অনুষ্ঠানত পৰিচালনা আৰু তদাৰক শাখাৰ মহা প্ৰৱন্ধক অনুৰাগ গুপ্তা আৰু তদাৰক আৰু ব্যৱস্থাপনা শাখাৰ মহা প্ৰৱন্ধক ৰাজেশ কুমাৰ মাঝিৰ লগতে প্ৰতিষ্ঠানটোৰ জ্যেষ্ঠ বিষয়াবর্গ উপস্থিত থাকে। প্রতিষ্ঠানটোত কৰ্মৰত কেইবাগৰাকীও কৰ্মীক এই অনুষ্ঠানতে শ্রেষ্ঠ কৰ্মচাৰী বঁটাও প্ৰদান কৰা হয়।

November 7, 2026 9:03 PM

জনতা ভৱনত ৰাজ্যিক বিশ্ববিদ্যালয়ৰ উপাচাৰ্য্য আৰু লোক নিৰ্মাণ বিভাগৰ অভিযন্তা-বিষয়াসকলৰ সৈতে শিক্ষামন্ত্ৰী ডাঃ ৰণোজ পেগুৰ বৈঠক

শিক্ষামন্ত্ৰী ডাঃ ৰণোজ পেগুৱে আজি দিশপুৰৰ জনতা ভৱনত ১২ খন ৰাজ্যিক বিশ্ববিদ্যালয়ৰ উপাচাৰ্য্য আৰু উচ্চ শিক্ষা তথা লোক নিৰ্মাণ বিভাগৰ অভিযন্তা-বিষয়াসকলৰ সৈতে বাজেটত ঘোষণা কৰা আন্তঃগাথনি উন্নয়নৰ বিষয় লৈ আলোচনা কৰে। বৈঠকত মন্ত্ৰীগৰাকীয়ে দ্রুত ৰূপায়ণ সুনিশ্চিত কৰাৰ বাবে ভূমিৰ লভ্যতা আৰু প্ৰকল্প সম্ভাৱনীয়তাৰ পৰ্যালোচনা কৰে। উল্লেখযোগ্য যে ৰাজ্য চৰকাৰে অলপতে ৰবীন্দ্ৰ নাথ ঠাকুৰ বিশ্ববিদ্যালয়, মাধৱদেৱ বিশ্ববিদ্যালয়, ভট্টদেৱ বিশ্ববিদ্যালয় আৰু অসম মহিলা বিশ্ববিদ্যালয়ৰ বাবে ৫০ কোটি টকাকৈ অনুমোদন জ...

November 7, 2026 8:59 PM

দীপাৱলী আৰু যটপূজাকে ধৰি উৎসৱৰ সময়ছোৱাত যাত্ৰীৰ ভীৰ নিয়ন্ত্ৰণ কৰাৰ উদ্দেশ্যে বিশেষ ৰে’ল চলাচলৰ দিহা কৰা হৈছেঃ ৰে’লমন্ত্ৰী

দীপাৱলী আৰু যটপূজাকে ধৰি উৎসৱৰ সময়ছোৱাত যাত্ৰীৰ ভীৰ নিয়ন্ত্ৰণ কৰাৰ উদ্দেশ্যে ১৮ হাজাৰ বিশেষ ৰে'ল চলাচলৰ দিহা কৰা হৈছে বুলি ৰে’লমন্ত্ৰী অশ্বিনী বৈষ্ণৱে প্ৰকাশ কৰিছে। নতুন দিল্লীত সাংবাদিকৰ সৈতে হোৱা কথা বতৰাত শ্রীবৈষ্ণৱে কয় যে যোৱা বছৰ উৎসৱৰ সময়ছোৱাত যাত্ৰীসকলক নিজ নিজ গন্তব্য স্থানত উপস্থিত হোৱাত সহায় কৰাৰ উদ্দেশ্যে প্রায় ১২ হাজাৰ বিশেষ ৰেলৰ সেৱা প্ৰৱৰ্তন কৰা হৈছিল। তেওঁ কয় যে এইবেলি ছহাজাৰৰো অধিক বিশেষ ৰেলগাড়ী চলাচল কৰোৱা হৈছে। ইয়াকে লৈ এনে ৰেলগাড়ীৰ সংখ্যা ১৮ হাজাৰ হৈছে বুলি মন্ত্ৰীগৰ...

November 7, 2026 8:56 PM

গুৱাহাটী প্ৰেছ ক্লাৱত প্রয়াত লীলাৱতী দাস সোঁৱৰণী আন্তঃসংবাদমাধ্যম একক আৰু দ্বৈত কবিতা আবৃত্তি প্রতিযোগিতা অনুষ্ঠিত

গুৱাহাটী প্ৰেছ ক্লাৱ আৰু ইনলি ফাউণ্ডেছনৰ উদ্যোগত গুৱাহাটী প্ৰেছ ক্লাৱৰ আমবাৰীস্থিত চৌহদত আজি প্রয়াত লীলাৱতী দাস সোঁৱৰণী আন্তঃসংবাদমাধ্যম একক আৰু দ্বৈত কবিতা আবৃত্তি প্রতিযোগিতা অনুষ্ঠিত হয়। বিভিন্ন সংবাদ মাধ্যমৰ দুকুৰীৰো অধিক প্ৰতিযোগীয়ে অংশগ্ৰহণ কৰা প্ৰতিযোগিতাৰ একক শাখাত আকাশবাণী গুৱাহাটীৰ ৩ গৰাকী ঘোষিকা কস্তুৰিমা দাসে প্রথম, আশাদীপা শ‍ইকীয়াই দ্বিতীয় আৰু কাকলি বৰা দেউৰীয়ে তৃতীয় স্থান লাভ কৰে। আনহাতে, এন কে টিভিৰ পাৰ্থ প্ৰতীম শৰ্মাই চতুৰ্থ আৰু এন ই ভাৰতৰ কৰবী হাজৰিকাই পঞ্চম স্থান লাভ কৰে...

Social Media Links