કોલસા અને ખાણ મંત્રી જી. કિશન રેડ્ડીએ જણાવ્યું હતું કે ભારત 2030 સુધીમાં 300 મિલિયન ટન અને 2047 સુધીમાં 500 મિલિયન ટન સ્ટીલનું ઉત્પાદન કરવાનું લક્ષ્ય રાખે છે. ગોવામાં ખાણ મંત્રીઓની ચોથી બે દિવસીય પરિષદના સમાપન બાદ તેમણે આમ જણાવ્યું હતું. તેમણે ઉમેર્યું હતું કે ભારત હાલમાં વાર્ષિક આશરે 168 મિલિયન ટન સ્ટીલનું ઉત્પાદન કરે છે. સ્ટીલ અને સિમેન્ટની ઉપલબ્ધતામાં વધારો થવાથી ઘરો બનાવવાનું પણ સસ્તું બનશે.
ભારત વિશ્વનો બીજો સૌથી મોટો કોલસા ઉત્પાદક અને ગ્રાહક દેશ છે. તેમણે નોંધ્યું હતું કે ખાણકામ ક્ષેત્ર આશરે 30 લાખ લોકોને રોજગારી આપે છે અને કોલસો દેશની વીજળીના આશરે 73 થી 74 ટકા ઉત્પાદન કરે છે.
આ બે દિવસીય પરિષદમાં તેલંગાણા, પશ્ચિમ બંગાળ, કર્ણાટક, રાજસ્થાન, ઉત્તરપ્રદેશ, આંધ્રપ્રદેશ અને કેરળ સહિત અનેક રાજ્યોના પ્રતિનિધિઓએ ભાગ લીધો હતો.
