પી.વી. સિંધુ ગઈકાલે પેરિસમાં જાપાનની હિના અકેચી સામે રોમાંચક જીત મેળવીને ફ્રેન્ચ ઓપન બેડમિન્ટન ચેમ્પિયનશિપની ફાઇનલમાં પહોંચી ગઈ છે. ૭૩ મિનિટ સુધી ચાલેલા સંઘર્ષપૂર્ણ સેમીફાઇનલ મુકાબલામાં તેણે હિના અકેચીને ૨૧-૧૦, ૨૦-૨૨, ૨૧-૧૬થી હરાવીને ફાઇનલમાં પોતાનું સ્થાન નિશ્ચિત કર્યું. બે વખતની ઓલિમ્પિક મેડલ વિજેતા ૩૧ વર્ષીય સિંધુ આ સિઝનમાં બીજી વખત ‘સુપર ૭૫૦’ ટુર્નામેન્ટની ફાઇનલમાં પહોંચી છે; અગાઉ જુલાઈ મહિનામાં તેણે જાપાન ઓપનનું ટાઇટલ જીત્યું હતું. આજે ફાઇનલમાં સિંધુનો મુકાબલો દક્ષિણ કોરિયાની વિશ્વની નંબર ૧ ખેલાડી, એન સે-યંગ સાથે થશે.