ખાતરમાં આત્મનિર્ભતા લાવવા માટે ગુજરાતમાં બાયોમેન્યુફેક્ચરિંગ હબ વિકસાવાશે. વિજ્ઞાન અને પ્રૌદ્યોગિકી વિભાગ હેઠળ કાર્યરત ગુજરાત સ્ટેટ બાયોટેક્નોલોજી મિશન દ્વારા પાંચ વર્ષમાં અંદાજે રૂ. 50 કરોડના ખર્ચે આ ઇકોસિસ્ટમ વિકસાવવામાં આવશે.
આ પહેલનો હેતુ રાજ્યમાં ઉપલબ્ધ સૂક્ષ્મજીવ સંસાધનો, કૃષિ વિશ્વવિદ્યાલયો, બાયોટેક્નોલોજી સંસ્થાઓ, સ્ટાર્ટઅપ્સ, સૂક્ષ્મ, લઘુ અને મધ્યમ ઉદ્યોગો ,સહકારી સંસ્થાઓ તથા ખેડૂતોને એકસાથે જોડવાનો છે તેમ રાજ્યના મંત્રી અર્જૂન મોઢવાડિયાએ જણાવ્યુ હતું.
