અમેરિકા પ્રવાસના ત્રીજા દિવસે આજે મુખ્યમંત્રી ભૂપેન્દ્ર પટેલ અને ગુજરાત પ્રતિનિધિમંડળે માઈક્રોન અને ગુગલની મુલાકાત લીધી. આ મૂલાકાત દરમિયાન ગુગલના ઉપાધ્યક્ષ શ્રીયુત ચંદુ થોટાએ યુવા કૌશલ્ય, શિક્ષકો અને વિદ્યાર્થીઓએ માટે કૃત્રિમ બુદ્ધિમતા-AI તાલીમ તેમજ કૃષિમાં પાક પદ્ધતિ, આબોહવા અને જમીન માટે AIના ઉપયોગના ક્ષેત્રોમાં ગુજરાત સાથે કામ કરવા ઉત્સુકતા દર્શાવી.
મુખ્યમંત્રીએ પરપ્લેક્સિટી AIના CEO અરવિંદ શ્રીનિવાસ સાથે બેઠક યોજી. આ બેઠક દરમિયાન અરવિંદ શ્રીનિવાસે ગુજરાતમાં ડેટા સેન્ટર સેટઅપ અને પરપ્લેક્સિટી વચ્ચે હાઈબ્રીડ સેટઅપની દિશામાં પણ રસ દાખવ્યો. આ ઉપરાંત ધી ઈન્ડસ એન્ટરપ્રેન્યોર્સ TiEના સભ્યો સાથે પણ મુખ્યમંત્રીની બેઠક યોજાઇ.
