આજે ચેન્નાઈમાં સ્ક્વોશ વિશ્વકપની સેમિફાઇનલમાં ભારતીય ટીમનો મુકાબલો વર્તમાન ચેમ્પિયન ઇજિપ્ત સામે થશે. જ્યારે બીજી સેમિફાઇનલમાં હોંગકોંગનો મુકાબલો જાપાન સામે થશે. ઇજિપ્તે ગઈકાલે ક્વાર્ટર ફાઇનલમાં ઓસ્ટ્રેલિયાને 3-0થી હરાવીને સેમિફાઇનલમાં પ્રવેશ કર્યો હતો, જ્યારે ભારતે દક્ષિણ આફ્રિકાને 3-0થી પરાજય આપ્યો હતો. ભારત સતત બીજી વખત સ્ક્વોશ વિશ્વકપના સેમિફાઇનલમાં પહોંચ્યું છે. ભારત અગાઉ 2023માં સેમિફાઇનલમાં પહોંચ્યું હતું. ટૂર્નામેન્ટમાં ભારતે સ્વિટ્ઝર્લેન્ડ અને બ્રાઝિલને હરાવીને ક્વાર્ટર ફાઇનલમાં પ્રવેશ કર્યો હતો.