High Court | আকাশবাণী নিউজ

November 4, 2026 11:02 AM

কোনো এটা সংগঠন বা ৰাজনৈতিক গোটে প্রতিবাদস্থলী অনির্দিষ্ট কাললৈ নিজৰ দখলত ৰাখিব নোৱাৰিব বুলি উচ্চতম ন্যায়ালয়ৰ ৰায়

প্ৰতিবাদৰ নামত কোনো এটা সংগঠন বা ৰাজনৈতিক গোটে প্রতিবাদস্থলী অনির্দিষ্ট কাললৈ নিজৰ দখলত ৰাখিব নোৱাৰিব বুলি উচ্চতম ন্যায়ালয়ে ৰায় দিছে। ন্যায়ালয়ে প্ৰকাশ কৰা মতে প্ৰতিবাদৰ বাবে নিৰ্ধাৰিত স্থানত প্ৰতিটো সংগঠনকে নিৰ্দিষ্ট সময়ৰ বাবে প্ৰতিবাদৰ সুযোগ দিব লাগিব। মুখ্য ন্যায়াধীশ সূর্যকান্ত, ন্যায়াধীশ জয়মাল্য বাগচি আৰু ভি মোহনাক লৈ গঠিত বিচাৰপীঠে দিল্লীত অক্টোবৰত হোৱা প্ৰতিবাদক লৈ দাখিল হোৱা কেইবাখনো আবেদনৰ শুনানি গ্ৰহণ কৰি কালি এই নিৰ্দেশ জাৰি কৰে ।

October 30, 2026 12:35 PM

ডিজিটেল জালিয়াতিৰে ধন হেৰুওৱা গ্ৰাহকসকলক সংশ্লিষ্ট বেংকে ধন আদায় দিব লাগিব বুলি উচ্চতম ন্যায়ালয়ে নিৰ্দেশ জাৰি

ডিজিটেল জালিয়াতিৰ সন্মুখীন হৈ ধন হেৰুওৱা গ্ৰাহকসকলক সংশ্লিষ্ট বেংকে ক্ষতিপূৰণ হিচাপে ধন আদায় দিব লাগিব বুলি উচ্চতম ন্যায়ালয়ে নিৰ্দেশ জাৰি কৰিছে। মুখ্য ন্যায়াধীশ সূর্যকান্ত, ন্যায়াধীশ জয়মাল্য বাগচি আৰু ভি মোহনাক লৈ গঠিত বিচাৰপীঠে এই নিৰ্দেশ জাৰি কৰে। বিচাৰপীঠখনে উল্লেখ কৰা অনুসৰি ডিজিটেল এৰেষ্টৰ সন্মুখীন হোৱা ভুক্তভোগীক বেংকে ক্ষতিপূৰণ দিয়া কথাটো ভাৰতীয় ৰিজাৰ্ভ বেংকে নিৰ্ধাৰণ কৰা উচিত।

October 23, 2026 1:31 PM

প্ৰতিখন জিলাৰ কিশোৰ ন্যায় পৰিষদক কাৰাগাৰসমূহ পৰিদৰ্শন কৰিবলৈ গুৱাহাটী উচ্চ ন্যায়ালয়ে নিৰ্দেশ

ৰাজ্যত প্ৰাপ্তবয়স্ক কয়দীৰ বাবে থকা কাৰাগাৰসমূহত কোনো শিশু বা কিশোৰক বন্দী কৰি ৰখা হৈছে নেকি সেই কথা নিশ্চিত কৰাৰ বাবে প্ৰতিখন জিলাৰ কিশোৰ ন্যায় পৰিষদক কাৰাগাৰসমূহ পৰিদৰ্শন কৰিবলৈ গুৱাহাটী উচ্চ ন্যায়ালয়ে নিৰ্দেশ দিছে। কিশোৰ ন্যায় পৰিষদসমূহে অহা ৩১ অক্টোবৰৰ ভিতৰত এই পৰিদৰ্শন সম্পূৰ্ণ কৰিব লাগিব আৰু কয়দীসকলৰ ভিতৰত কোনো শিশুক চিনাক্ত কৰিলে তেনে শিশুক কিশোৰ ন্যায় আইন, ২০১৫ৰ ব্যৱস্থা মতে উপযুক্ত আশ্ৰয়গৃহলৈ প্ৰেৰণ কৰিব লাগিব। প্রাপ্তবয়স্কৰ বাবে থকা কাৰাগাৰসমূহত শিশু আৰু কিশোৰকো ৰখাৰ প্ৰসংগ আৰ...

September 9, 2026 10:52 AM

বিদ্যালয় আৰু মহাবিদ্যালয়ত অৰ্হতাহীন শিক্ষকৰ নিযুক্তি-চাকৰি প্ৰাদেশিকীকৰণৰ ক্ষেত্ৰত উচ্চতম ন্যায়ালয়ৰ স্থগিতাদেশ

উচ্চতম ন্যায়ালয়ে অপ্রাদেশিকীকৃত শিক্ষানুষ্ঠানৰ শিক্ষক-কর্মচাৰীৰ চাকৰি প্ৰাদেশিকীকৰণৰ বাবে অৱলম্বন কৰা ব্যৱস্থা আৰু বলৱৎ কৰা আইনৰ অধীনত বিদ্যালয় আৰু মহাবিদ্যালয়ত শিক্ষকৰ নিযুক্তি তথা চাকৰি প্ৰাদেশিকীকৰণৰ ক্ষেত্ৰত অন্তবর্তী স্থগিতাদেশ জাৰি কৰিছে। ন্যায়ালয়ে লগতে শিক্ষাৰ অধিকাৰ, ৰাষ্ট্ৰীয় শিক্ষক শিক্ষা পৰিষদ আৰু বিশ্ববিদ্যালয় অনুদান আয়োগ আইনৰ অধীনত বিধিগতভাৱে নিৰ্ধাৰিত অহতা নথকা শিক্ষকক বিদ্যালয় বা মহাবিদ্যালয়ত নিযুক্তি নিদিবলৈ আৰু তেনে শিক্ষকৰ চাকৰি প্ৰাদেশিকীকৰণ নকৰিবলৈ নিৰ্দেশ দিছে। অর...

September 3, 2026 8:19 PM

কাইলৈৰ পৰা নতুন দিল্লীত ব্ৰীকচ ৰাষ্ট্ৰগোষ্ঠীৰ মুখ্য ন্যায়াধীশ মঞ্চৰ আয়োজন উচ্চতম ন্যায়ালয়ৰ

উচ্চতম ন্যায়ালয়ে কাইলৈৰ পৰা নতুন দিল্লীত ব্ৰীকচ ৰাষ্ট্ৰগোষ্ঠীৰ মুখ্য ন্যায়াধীশ মঞ্চৰ আয়োজন কৰিছে। এই মঞ্চত ব্ৰীকচৰ সদস্য ৰাষ্ট্ৰ আৰু অংশীদাৰ দেশসমূহৰ মুখ্য ন্যায়াধীশ, উচ্চতম ন্যায়ালয়ৰ ন্যায়াধীশ আৰু জ্যেষ্ঠ ন্যায়িক নেতাসকল উপকৃত হ'ব। এই মঞ্চই অংশগ্ৰহণকাৰী ন্যায়পালিকাসকলৰ মাজত আলোচনাৰ বাবে আৰু ন্যায় প্ৰদান, আন্তঃৰাষ্ট্ৰীয় বিবাদ নিস্পত্তি, প্ৰযুক্তি আৰু বহনক্ষম উন্নয়নৰ সৈতে জড়িত সমসাময়িক বিষয়সমূহৰ ওপৰত মত বিনিময়ৰ বাবে এখন মঞ্চ প্ৰদান কৰিব। দেশৰ মুখ্য ন্যায়াধীশ সূর্যকান্তে কাইলৈ প্...

August 19, 2026 10:53 AM

কোনো ৰাজ্যই হাতীৰ পৰম্পৰাগত অহা-যোৱা পথ বন্ধ কৰিব নোৱাৰিব বুলি উচ্চতম ন্যায়ালয়ৰ নিৰ্দেশ

কৃষি নষ্ট বা যিকোনো সংঘাতৰ অজুহাতত কোনো ৰাজ্যই হাতীৰ পৰম্পৰাগত অহা-যোৱা পথ বা হস্তীদণ্ডি বন্ধ কৰিব নোৱাৰিব। উচ্চতম ন্যায়ালয়ৰ মুখ্য ন্যায়াধীশ সূর্যকান্ত বিচাৰপীঠে ৰাজ্যসমূহলৈ এই নিৰ্দেশ জাৰি কৰে। লগতে হাতীক ভয় খুৱাবলৈ অগ্নি শিখা বা যাঠি আদি ব্যৱহাৰ কৰিব নোৱাৰিব বুলিও নিৰ্দেশনাটোত কোৱা হৈছে। ন্যায়াধীশ জয়মাল্য বাগচী আৰু ন্যায়াধীশ ভি মোহনাক লৈ গঠিত মুখ্য ন্যায়াধীশৰ বিচাৰপীঠে হস্তীদণ্ডিত থকা বাধা আতৰোৱাৰ বাবে কেন্দ্ৰীয় চৰকাৰক ৰাষ্ট্ৰজোৰা এটা জৰীপ চলাবলৈও নির্দেশ দিয়ে। হাতীয়ে বহু ৰাজ্য পৰিভ...

January 6, 2026 12:05 PM

EPFO ক অহা চাৰি মাহৰ ভিতৰত EPFS ৰ অধীনত দৰমহাৰ সীমা সংশোধন সন্দর্ভত সিদ্ধান্ত গ্রহণ কৰিবলৈ নিৰ্দেশ উচ্চতম ন্যায়ালয়ৰ

উচ্চতম ন্যায়ালয়ে কেন্দ্ৰীয় চৰকাৰ আৰু কৰ্মচাৰী ভৱিষ্য নিধি সংস্থা EPFOক অহা চাৰি মাহৰ ভিতৰত কৰ্মচাৰী ভৱিষ্য নিধি যোজনা EPFSৰ অধীনত দৰমহাৰ সীমা সংশোধন সন্দর্ভত সিদ্ধান্ত গ্রহণ কৰিবলৈ নিৰ্দেশ দিছে। বিগত ১১ বছৰ ধৰি কৰ্মচাৰীসকলৰ বেতন অপৰিৱৰ্তিত হৈ আছে। ন্যায়াধীশ জে কে মাহেশ্বৰী আৰু অতুল এছ ছন্দুৰকাৰক লৈ গঠিত এখন বিচাৰপীঠে এখন ৰাজহুৱা স্বাৰ্থজড়িত আবেদনৰ শুনানি গ্রহণ কৰি এই নির্দেশ জাৰি কৰে। উল্লেখযোগ্য যে, দৰমহাৰ সৰ্বোচ্চ সীমাৰ কোনো পৰিৱৰ্তন নকৰাৰ ফলত শ্ৰমিকসকলৰ এটা বৃহৎ বর্গ EPFOৰ বাহিৰত থাকি গৈছে। স...

December 29, 2025 8:21 PM

আৰাৱলী পৰ্বতমালা সন্দর্ভত উচ্চতম ন্যায়ালয়ৰ নতুন সমিতি গঠনৰ বাবে লোৱা সিদ্ধান্তক আদৰণি ভূপেন্দৰ যাদৱৰ

কেন্দ্ৰীয় পৰিৱেশ, বন আৰু জলবায়ু পৰিৱৰ্তন মন্ত্ৰী ভূপেন্দৰ যাদৱে আৰাৱলী পৰ্বতমালা সন্দর্ভত উচ্চতম ন্যায়ালয়ে বিষয়সমূহ অধ্যয়নৰ বাবে নতুন সমিতি গঠনৰ বাবে লোৱা সিদ্ধান্তক আদৰণি জনাইছে। সামাজিক মাধ্যমৰ এটা বার্তাত শ্রীযাদৱে কয় যে আৰাভালি পৰ্বতমালাৰ সুৰক্ষা আৰু পুনৰুদ্ধাৰৰ বাবে তেওঁৰ মন্ত্ৰালয়ৰ পৰা বিচৰা সকলো সাহায্য প্রদান কৰিবলৈ চৰকাৰ প্রতিশ্রুতিবদ্ধ। মন্ত্ৰীগৰাকীয়ে কয় যে, এতিয়ালৈকে নতুন খনন লিজত দিয়াৰ লগতে বৰ্তমানৰ লীজ নবীকৰণৰ বাবেও খননৰ ওপৰত সম্পূর্ণ নিষেধাজ্ঞা বলবৎ হৈ আছে।

November 27, 2025 8:02 PM

বিধায়ক আমিনুল ইছলামৰ বিৰুদ্ধে আৰোপ কৰা ৰাষ্ট্ৰীয় নিৰাপত্তা আইনৰ গোচৰ খাৰিজ

গুৱাহাটী উচ্চ ন্যায়ালয়ে বিধায়ক আমিনুল ইছলামৰ বিৰুদ্ধে আৰোপ কৰা ৰাষ্ট্ৰীয় নিৰাপত্তা আইনৰ গোচৰ খাৰিজ কৰিছে। উচ্চ ন্যায়ালয়ৰ এখন খণ্ড বিচাৰপীঠে আজি পুৱা এই সন্দৰ্ভত ৰায়দান কৰি বিধায়কগৰাকীৰ বিৰুদ্ধে ৰুজু কৰা ৰাষ্ট্ৰীয় নিৰাপত্তা আইনৰ গোচৰ খাৰিজ কৰে। উল্লেখযোগ্য যে, পেহেলগামত সন্ত্রাসবাদীৰ আক্ৰমণৰ ঘটনাক লৈ দেশ বিৰোধী মন্তব্য আগবঢ়োৱাৰ অভিযোগত বিধায়কগৰাকীৰ বিৰুদ্ধে গোচৰ ৰুজু কৰা হৈছিল।

November 7, 2025 11:16 AM

গুৱাহাটী উচ্চ ন্যায়ালয়ৰ অতিৰিক্ত ন্যায়াধীশ হিচাপে কৌশিক গোস্বামীৰ শপতগ্ৰহণ

গুৱাহাটী উচ্চ ন্যায়ালয়ৰ অতিৰিক্ত ন্যায়াধীশ হিচাপে আজি ন্যায়াধীশ কৌশিক গোস্বামীয়ে শপতগ্ৰহণ কৰে। উচ্চ ন্যায়ালয়ৰ এক নম্বৰ বিচাৰপীঠত আয়োজিত এক অনুষ্ঠানত মুখ্য ন্যায়াধীশ আশুতোষ কুমাৰে শ্ৰী গোস্বামীক অতিৰিক্ত ন্যায়াধীশ হিচাপে শপতবাক্য পাঠ কৰোৱায়। আজিৰ এই শপতগ্ৰহণ অনুষ্ঠানত গুৱাহাটী উচ্চ ন্যায়ালয়ৰ ন্যায়াধীশসকল, গুৱাহাটী উচ্চ ন্যায়ালয় বাৰ এছ’চিয়েনৰ সভাপতি কমল নয়ন চৌধুৰীকে প্ৰমুখ্যে কৰি অনান্য অধিৱক্তাসকল উপস্থিত থাকে।

Social Media Links