গুৱাহাটী উচ্চ ন্যায়ালয়ৰ অতিৰিক্ত ন্যায়াধীশ হিচাপে আজি ন্যায়াধীশ কৌশিক গোস্বামীয়ে শপতগ্ৰহণ কৰে। উচ্চ ন্যায়ালয়ৰ এক নম্বৰ বিচাৰপীঠত আয়োজিত এক অনুষ্ঠানত মুখ্য ন্যায়াধীশ আশুতোষ কুমাৰে শ্ৰী গোস্বামীক অতিৰিক্ত ন্যায়াধীশ হিচাপে শপতবাক্য পাঠ কৰোৱায়। আজিৰ এই শপতগ্ৰহণ অনুষ্ঠানত গুৱাহাটী উচ্চ ন্যায়ালয়ৰ ন্যায়াধীশসকল, গুৱাহাটী উচ্চ ন্যায়ালয় বাৰ এছ’চিয়েনৰ সভাপতি কমল নয়ন চৌধুৰীকে প্ৰমুখ্যে কৰি অনান্য অধিৱক্তাসকল উপস্থিত থাকে।