પ્રધાનમંત્રી નરેન્દ્ર મોદીએ આજે નવી દિલ્હીના યશોભૂમિ ખાતે ઈન્ડિયા મોબાઈલ કોંગ્રેસના દસમા સંસ્કરણનું ઉદ્ઘાટન કર્યું. તે ટેલિકોમ્યુનિકેશન, ડિજિટલ કનેક્ટિવિટી અને ટેકનોલોજીકલ નવીનતામાં ભારતની નોંધપાત્ર પ્રગતિ દર્શાવે છે. ચાર દિવસીય પરિષદ ગઈકાલે શરૂ થઈ હતી. આ વર્ષની થીમ “સીમાઓથી આગળ વિસ્તરણ” છે. આ પ્રસંગે બોલતા, પ્રધાનમંત્રી નરેન્દ્ર મોદીએ કહ્યું કે ઈન્ડિયા મોબાઈલ કોંગ્રેસના પ્લેટફોર્મે ભારતમાં ટેલિકોમ્યુનિકેશન ક્ષેત્ર અને ડિજિટલ કનેક્ટિવિટીનો વિકાસ જોયો છે.
પ્રધાનમંત્રીએ નોંધ્યું કે આજે, દેશના દરેક જિલ્લામાં 5G કનેક્ટિવિટી પહોંચી ગઈ છે. શ્રી મોદીએ ઉમેર્યું કે ભારતમાં હવે 5G કનેક્ટિવિટી માટે 5 લાખ 50 હજારથી વધુ બેઝ સ્ટેશન છે.
પ્રધાનમંત્રી મોદીએ જણાવ્યું હતું કે સરકાર આશરે 25 કરોડ વિદ્યાર્થીઓને વિવિધ ડિજિટલ અને ઓનલાઈન શિક્ષણ પ્લેટફોર્મ સાથે જોડવાનો પ્રયાસ કરી રહી છે. શ્રી મોદીએ દીક્ષા પ્લેટફોર્મ દ્વારા ભારતમાં ડિજિટલ શિક્ષણના વધતા મહત્વ પર પ્રકાશ પાડ્યો.
કેન્દ્રીય સંદેશાવ્યવહાર મંત્રી જ્યોતિરાદિત્ય સિંધિયાએ 5G ને વિશ્વની સૌથી ઝડપી અપનાવવામાં આવેલી ટેકનોલોજી બનાવવા બદલ ઉપકરણ ઉત્પાદકો, ટેલિકોમ ઓપરેટરો અને ટેલિકોમ ક્ષેત્ર સાથે સંકળાયેલા દરેક વ્યક્તિની પ્રશંસા કરી.
