અમરેલી પોલીસે SD PAY એપ્લિકેશન દ્વારા ગુજરાત ઉપરાંત રાજસ્થાન અને મધ્યપ્રદેશમાં ફેલાયેલા 635 કરોડના મોટા સાયબર ફ્રોડના મુખ્ય સૂત્રધાર ધવલ પટેલ અને હિરેન શાહને ઓડિશાથી ઝડપી પાડ્યા છે.
અમરેલી SP સંજય ખરાત અને તેની ટીમો આ શખ્સોને શોધવા માટે અલગ અલગ રાજ્યમાં તપાસ કરી હતી. આ વચ્ચે એક સાયબરની ટીમને આરોપી ઓડીશાના સંભલપુરમાં હોવાની માહિતી મળતા પોલીસે ઓડિશામાંથી ધવલ પટેલ અને હિરેન શાહની કાર સાથે ધરપકડ કરી છે. બંને આરોપીઓને આજે વિમાનમાર્ગે અમરેલી સાઇબર ક્રાઇમ ખાતે લાવી પૂછપરછ હાથ ધરાશે.
અમરેલી એસપી સંજય ખરાતે નાગરિકોને લોભામણી અને ગેરકાયદેસર રોકાણ યોજનાઓથી સાવચેત રહેવા અપીલ કરી છે.
