প্রধানমন্ত্ৰী নৰেন্দ্ৰ মোদীয়ে সকলো নাগৰিককে উৎসাহ উদ্দীপনাৰে ৰাষ্ট্ৰীয় হস্ততাঁত দিৱস উদযাপন কৰিবলৈ আহ্বান জনাইছে। শ্রীমোদীয়ে এটা ভিডিঅ’ বাৰ্তা শ্বেয়াৰ কৰি কয় যে ১৯০৫ চনৰ ৭ আগষ্টত ভাৰতৰ স্বাধীনতা সংগ্ৰামৰ অংশ হিচাপে স্বদেশী আন্দোলন আৰম্ভ কৰা হৈছিল আৰু সমাজৰ সকলো ক্ষেত্ৰৰ লোকে ব্ৰিটিছ শাসনৰ বিৰুদ্ধে ঐক্যবদ্ধভাৱে ঐতিহাসিক যুঁজত অৱতীৰ্ণ হৈছিল।
প্ৰধানমন্ত্ৰীয়ে জনসাধাৰণক নিজ হাতেৰে বস্ত্ৰ প্ৰস্তুত কৰা দুখীয়া শিপিনী পৰিয়াল আৰু কাৰিকৰসকলক সহায় কৰিবলৈ আহ্বান জনায়। তেওঁ লগতে ভাৰতবৰ্ষ আত্মনিৰ্ভৰ ৰাষ্ট্ৰ হিচাপে গঢ়ি তোলাৰ ক্ষেত্ৰত ক্ষুদ্ৰ আৰু অর্থনৈতিকভাৱে পিছপৰা শিপিনী পৰিয়ালসমূহৰ সবলীকৰৰণৰ গুৰুত্বৰ বিষয়ে আলোকপাত কৰে।
শ্রীমোদীয়ে দেশবাসীক কমেও এবিধ হস্ততাঁত সামগ্ৰী ক্ৰয় কৰিবলৈ আৰু ইয়াৰ ভিডিঅ’ শ্বেয়াৰ কৰিবলৈ আহ্বান জনাইছে, যাতে ভাৰতীয় শিপিনীসকলৰ দক্ষতা আৰু শিল্পই গোলকীয় পৰ্যায়ত স্বীকৃতি লাভ কৰে। উল্লেখযোগ্য যে ১৯০৫ চনৰ ৭ আগষ্টত আৰম্ভ কৰা স্বদেশী আন্দোলনৰ স্মৃতিত প্ৰতি বছৰে আজিৰ দিনটোত ৰাষ্ট্ৰীয় হস্ততাঁত দিৱস পালন কৰি অহা হৈছে।
