বিজ্ঞান আৰু প্ৰযুক্তি বিদ্যাৰ ৰাজ্য মন্ত্ৰী ড° জিতেন্দ্ৰ সিঙে কয়, যে ভাৰতৰ মহাকাশচাৰী শুভাংশু শুক্লাসহ আন্তঃৰাষ্ট্ৰীয় মহাকাশ কেন্দ্ৰলৈ পৰিকল্পিত AXIOM অভিযান পিছুৱাই দিয়া হৈছে। সামাজিক মাধ্যমৰ জৰিয়তে দিয়া এটা বার্তাত ড° সিঙে কয়, যে মহাকাশলৈ পঠিওৱাৰ পূৰ্বে চলোৱা পৰ্যবেক্ষণমূলক পৰীক্ষাত যানখনত কিছু বিসংগতি ধৰা পৰে। ইছৰ’, AXIOM তথা স্পেছ এক্সৰ যৌথ উদ্যোগত চলোৱা এই পৰ্যবেক্ষণৰ অন্তত যানখন মহাকাশলৈ পঠিওৱাৰ পূৰ্বে ত্রুটিমুক্ত কৰি তোলাৰ সিদ্ধান্ত গ্ৰহণ কৰা হৈছে।