পর্যটন মন্ত্রালয়ে প্রতিষ্ঠিত ব্রেণ্ড ইনক্রিডিবল ইণ্ডিয়াৰ অধীনত ভাৰতক বিশ্বব্যাপী পৰ্যটনৰ বাবে উৎকৃষ্ট স্থান হিচাপে প্ৰচাৰৰ বাবে এয়াৰ ইণ্ডিয়াৰ সৈতে বুজাবুজিৰ চুক্তি স্বাক্ষৰ কৰিছে। কেন্দ্ৰীয় পৰ্যটন আৰু সাংস্কৃতিক মন্ত্রী গজেন্দ্ৰ সিং শ্বেখাৱতৰ উপস্থিতিত নতুন দিল্লীত কালি এই চুক্তি স্বাক্ষৰিত হয়।
সামাজিক মাধ্যমৰ এটা বার্তাত সাংস্কৃতিক আৰু পৰ্যটন মন্ত্রী গজেন্দ্র সিং শ্বেখাৱাটে কয় যে এই অংশীদাৰিত্বই এয়াৰ ইণ্ডিয়াৰ বিস্তৃত গ্ল’বেল নেটৱৰ্ক আৰু ভাৰতৰ বৈচিত্রময় পর্যটন প্ৰস্তাৱৰ সহায় লৈ গুৰুত্বপূৰ্ণ আন্তঃৰাষ্ট্ৰীয় স্তৰত দেশৰ উপস্থিতি অধিক শক্তিশালী কৰিব। তেওঁ কয় যে এই সহযোগিতাত যৌথ গন্তব্যস্থান অভিযান, ভিজিট ইণ্ডিয়া পাছৰ দৰে কাৰ্যসূচীক অন্তর্ভুক্ত কৰা হ’ব।
এই অংশীদাৰিত্বই সমগ্ৰ বিশ্বৰ পৰা অধিক ভ্রমণকাৰীক ভাৰতৰ কালজয়ী, বৈচিত্রময় আৰু অবিস্মৰণীয় আকৰ্ষণৰ অভিজ্ঞতা লাভ কৰিবলৈ অনুপ্রাণিত কৰিব। এই বুজাবুজিৰ চুক্তিৰ অধীনত মন্ত্রালয় আৰু এয়াৰ ইণ্ডিয়াই যৌথ প্ৰচাৰ অভিযান, ডিজিটেল আৰু অফলাইন প্লেটফর্মত পর্যটন সম্পর্কীয় কাহিনী কোৱা তথা প্ৰচাৰৰ কামো হাতত ল’ব বুলি মন্ত্ৰীগৰাকীয়ে উল্লেখ কৰে।
