দেশজুৰি পৰিয়ালসমূহক নিৰাপদ, স্বচ্ছ আৰু সুলভ মূল্যৰ ৰন্ধন গেছ পাইপযোগে যোগানৰ লক্ষ্যৰে ঘৰুৱা পি এন জি সংযোগ প্ৰদানৰ বাবে কেন্দ্ৰীয় চৰকাৰে এটা উদগণিমূলক আঁচনিত অনুমোদন জনাইছে। অহা ১ ছেপ্তেম্বৰৰ পৰা এই আঁচন কাৰ্যকৰী হ’ব। পেট্ট’লিয়াম আৰু প্ৰাকৃতিক গেছ মন্ত্ৰালয়ে প্ৰকাশ কৰা মতে সক্রিয়া পি এন জি সংযোগ ব্যৱস্থা দ্রুতভাৱে কাৰ্যকৰী কৰাৰ বাবে আৰু অধিক সংখ্যক পৰিয়ালে শীঘ্ৰে নিজৰ পাকঘৰত পাইপযুক্ত প্রাকৃতিক গেছ ব্যৱহাৰ কৰিব পৰাকৈ এই আঁচনিখন ৰূপায়ণ কৰা হ’ব। সম্প্ৰতি সমগ্ৰ দেশত ১ কোটি ৭৪ লাখ ঘৰুৱা পি এন জি সংযোগ আছে। মন্ত্ৰালয়ৰ সূত্ৰই প্ৰকাশ কৰা মতে নতুন আঁচনিখনে মহানগৰ গেছ বিতৰণ কোম্পানীসমূহক উদগণিমূলক ধনৰাশি প্রদানেৰে পি এন জি নেটৱৰ্ক ন-ন স্থানলৈ সম্প্ৰসাৰণ কৰাৰ ব্যৱস্থা কৰিছে। মন্ত্ৰালয়ে কয়, যে পাইপযুক্ত প্রাকৃতিক গেছ অর্থাৎ পি এন জি ঘৰুৱা ৰন্ধন গেছৰ চিলিণ্ডাৰ আৰু পৰম্পৰাগত ৰন্ধন ব্যৱস্থাত ব্যৱহৃত ইন্ধনতকৈ অধিক নিৰাপদ, পৰিষ্কাৰ আৰু সুবিধাজনক। এই আঁচনি ছমাহৰ দুটা ভাগত ৰূপায়ণ কৰা হ’ব ।