অস্ট্রেলিয়াৰ প্ৰধানমন্ত্ৰী এন্থনি এলবানিজে গুৰুত্বপূৰ্ণ অর্থনৈতিক সহযোগী হিচাপে ভাৰতক ভূয়সী প্রশংসা কৰিছে। প্ৰধানমন্ত্ৰী নৰেন্দ্ৰ মোদীৰ আসন্ন অস্ট্রেলিয়া ভ্ৰমণৰ পূৰ্বে দেশখনৰ প্ৰধানমন্ত্ৰী কার্যালয়ে এটা বিবৃতি যোগে কয়, যে বিশ্বৰ চতুৰ্থ সৰ্ববৃহৎ আৰু সবাতোকৈ দ্রুত বিকাশশীল অর্থব্যৱস্থা ভাৰত অস্ট্রেলিয়াৰ গুৰুত্বপূৰ্ণ অর্থনৈতিক অংশীদাৰ।
শ্ৰীএলবানিজে কয়, যে দুয়োখন দেশৰ মাজৰ সম্পৰ্ক কৌশলগত সহযোগিতাৰ দ্বাৰা পৰিচালিত আৰু অর্থনৈতিক তথা সাংস্কৃতিক যোগাযোগ এই সম্পৰ্কৰ মূল ভেঁটি স্বৰূপ। তেওঁ কয়, যে বাণিজ্য, প্ৰতিৰক্ষা, সুৰক্ষা আৰু প্ৰযুক্তি ক্ষেত্ৰৰ সহযোগিতাৰ পৰা দুয়োখন দেশ উপকৃত হৈছে।
অস্ট্রেলিয়া ভাৰতৰ সম্পৰ্ক ইয়াৰ পূৰ্বে কেতিয়াও ইমান সুদৃঢ় নাছিল আৰু দুয়ো দেশৰ মাজৰ এই সহযোগিতাই ভাৰত প্ৰশান্ত মহাসাগৰীয় অঞ্চলৰ শান্তি, সুস্থিৰতা আৰু সমৃদ্ধি নিশ্চিত কৰিছে।
