আফগানিস্তানৰ পূব প্ৰান্তত দেওবাৰে অহা ৬ প্ৰাৱল্যৰ ভূইকঁপৰ ফলত মৃত্যু হোৱা লোকৰ সংখ্যা এহেজাৰ ১২৪লৈ বৃদ্ধি পাইছে আৰু ৩ হাজাৰ ২৫১ জন লোক আহত হৈছে। সূত্ৰৰ পৰা জানিব পৰা মতে, ভূঁইকঁপৰ ফলত ৮ হাজাৰৰো অধিক বাসগৃহ সম্পূৰ্ণৰূপে বা আংশিকভাৱে ধ্বংস হৈছে। ইয়াৰে অধিকাংশ বাসগৃহ কুনাৰ প্ৰদেশৰ। সাহায্য আৰু উদ্ধাৰকাৰী দলে ধ্বংসস্তূপৰ মাজত আৱদ্ধ হৈ থকা লোকসকলৰ উদ্ধাৰ কৰাৰ বাবে কাম কৰি আছে। হতাহত লোকৰ তথ্য এতিয়ালৈকে চূড়ান্তভাৱে প্ৰকাশ কৰা হোৱা নাই ।