দৰঙৰ জিলা দণ্ডাধীশে ছিপাঝাৰ সম জিলাৰ অন্তৰ্গত বিভিন্ন স্থানত কেতবোৰ লোকে বেআইনীভাৱে মাটি কটা ৰোধ কৰাৰ বাবে কাৰ্যব্যৱস্থা গ্ৰহণ কৰিবলৈ এটা টাস্কফোৰ্চ গঠন কৰি দিছে। ইতিমধ্যে জিলা দণ্ডাধীশে জিলাখনৰ মাজেৰে বৈ যোৱা সকলো নদীৰ মথাউৰিৰ দুয়োকাষে অকৰ্তৃত্বশীলভাৱে মাটি খননত নিষেধাজ্ঞা আৰোপ কৰিছে আৰু এই নিৰ্দেশনা উলংঘনৰ বাবে শাস্তিৰ সন্মুখীন হব বুলি সকিয়াই দিছে। এই সম্পৰ্কত জনসাধাৰণৰ কিবা অভিযোগ বা তথ্য থাকিলে ৬০০০ ১৩২১ ৪১ অথবা ৮১৩৩ ৯২৪৯ ৯৬ ফোন নম্বৰত যোগাযোগ কৰিবলৈ কোৱা হৈছে।