বিৰোধী দলপতি ৱাজেদ আলী চৌধুৰীয়ে বাজেটখনক সমালোচনা কৰি এখন গতানুগতিক আৰু ঘাটি বাজেট বুলি আখ্যা দিয়ে। বাজেটত নতুন কিবা থাকিব বুলি আশা কৰা হৈছিল যদিও সেইধৰণেৰে একো বাজেটত ঘোষণা কৰা নাই বুলি তেওঁ কয়। উপ বিৰোধী দলপতি ডাঃ জয় প্রকাশ দাসেও বাজেটত একো নাই বুলি তীব্র সমালোচনা কৰে।
তেওঁ কয় যে এই বাজেটত নিবনুৱাৰ বাবে কোনো উল্লেখযোগ্য বিষয় সন্নিবিষ্ট নহ’ল। স্বাস্থ্য বিভাগৰ বাহিৰে আন কতো পদ সৃষ্টি কৰা কথা বাজেটত উল্লেখ নাই বুলিও তেওঁ কয়। আন্তঃগাঁথনিৰ বিষয়সমূহো অকল গুৱাহাটীকেন্দ্ৰীক হোৱা বুলি দাসে সমালোচনা কৰে। বিধায়ক অখিল গগৈয়েও আজি দাখিল কৰা বাজেটখনক অদূৰদৰ্শী বাজেট বুলি অভিহিত কৰে।
তেওঁ কয় যে বাজেটখনত কোনো জিলাৰ বাবে উন্নয়নমূলক প্রকল্পৰ কথা সন্নিৱিষ্ট নহ’ল। উল্লেখযোগ্য কোনো বিষয় বাজেটত সন্নিৱিষ্ট নহ’ল বুলি বিধায়ক গগৈয়ে সংবাদ মাধ্যমৰ আগত সমালোচনাত সৰৱ হৈ পৰে।
