জ্ঞানেশ কুমাৰে আজি নতুন দিল্লীৰ নিৰ্বাচন সদনত নতুন মুখ্য নির্বাচন আয়ুক্ত হিচাপে কাৰ্যভাৰ গ্ৰহণ কৰে। শ্ৰী কুমাৰ কালি কাৰ্যকাল সম্পূৰ্ণ হোৱা ৰাজীৱ কুমাৰৰ স্থলাভিষিক্ত হৈছে।
মুখ্য নির্বাচন আয়ুক্ত হিচাপে কাৰ্যভাৰ গ্ৰহণ কৰাৰ পাছত জনসাধাৰণলৈ দিয়া এটা বাৰ্তাত শ্রী কুমাৰে কয়, যে ৰাষ্ট্ৰ নিৰ্মাণৰ প্ৰথম খোজেই হ’ল ভোটদান আৰু ১৮ বছৰ সম্পূৰ্ণ হোৱা প্ৰতি গৰাকী নাগৰিকে ভোটদান কৰা উচিত। তেওঁ কয যে দেশৰ সংবিধান, নির্বাচনী আইন, নিয়ম আৰু নিৰ্দেশনা অনুযায়ী নির্বাচন আয়োগে সদায় ভোটদাতাসকলৰ সৈতে আছে আৰু আগলৈয়ো থাকিব। ইয়াৰ পূৰ্বে শ্ৰী কুমাৰ যোৱা বছৰ ১৫ মাৰ্চৰ পৰা নিৰ্বাচন আয়ুক্ত হিচাপে কাৰ্যনিৰ্বাহ কৰি আছিল। নির্বাচন আয়ুক্ত হিচাপে তেওঁৰ কাৰ্যকালত অষ্টাদশ লোকসভা আৰু জম্মু-কাশ্মীৰ, হাৰিয়ানা, মহাৰাষ্ট্ৰ, ঝাৰখণ্ড আৰু দিল্লী বিধানসভাৰ নিৰ্বাচন সম্পন্ন হয়।