অসমৰ নদী পৰ্যটনৰ সম্ভাৱনাৰ প্ৰতি লক্ষ্য ৰাখি ৰাজ্য চৰকাৰে এলানী অভিলাষী আঁচনি গ্ৰহণ কৰিছে। ৰাজ্য চৰকাৰে গুৱাহাটীৰ ৬টা পৰ্যটনস্থলীক সামৰি নদী পর্যটন আৰম্ভ কৰাৰ কথা ঘোষণা কৰিছে। পর্যটন মন্ত্ৰী জয়ন্ত মল্লবৰুৱাই এখন সংবাদমেলত গুৱাহাটীৰ উমানন্দ, অশ্বক্লান্ত, কামাখ্যা মন্দিৰকে ধৰি আন তিনি তীর্থস্থানক সামৰি এই নদী পর্যটন গঢ়ি তুলিব বুলি প্ৰকাশ কৰে। ইতিমধ্যে সাগৰমালা লিমিটেডৰ সৈতে ৰাজ্য চৰকাৰে এখন চুক্তিও স্বাক্ষৰ কৰিছে।