মণিপুৰত কালি কেন্দ্ৰীয় চৰকাৰৰ ‘এক পেড় মা কে নাম’ অভিযানৰ সৈতে সংগতি ৰাখি ৭৭ সংখ্যক বন মহোৎসৱৰ শুভাৰম্ভ কৰা হয়। ইম্ফলৰ পূব জিলাত আয়োজিত কেন্দ্রীয় অনুষ্ঠানত ৰাজ্যখনৰ প্ৰধান মুখ্য বন সংৰক্ষক আৰু বন বিভাগৰ মুৰববী অনুৰাগ বাজপেয়ীয়ে কাৰ্যসূচী শুভাৰম্ভ কৰে। এই উপলক্ষে ৰাজ্যজুৰি সেউজ আৱৰণ সৃষ্টিৰ লক্ষ্যৰে গছপুলি ৰোপণ কাৰ্যসূচীৰ শুভাৰম্ভ কৰা হয়। অনুষ্ঠানত দিয়া ভাষণত শ্ৰীবাজপেয়ীয়ে মণিপুৰক সেউজ কৰি তোলাৰ লগতে বনাঞ্চল সংৰক্ষণৰ বাবে জনসাধাৰণৰ ব্যাপক অংশগ্ৰহণ আৰু সহযোগিতা কামনা কৰে। তেওঁ কয়, যে বনাঞ্চলক লৈ এই উদযাপনে প্রকৃতিক সুন্দৰ ৰূপত ভৱিষ্যৎ প্ৰজন্মৰ বাবে সংৰক্ষণ কৰাৰ প্ৰতি দায়বদ্ধতাৰ সৃষ্টি কৰে। ৰাজ্যখনত বন মহোৎসৱ সপ্তাহত ১৫ লাখ গছপুলি ৰোপণৰ লক্ষ্য লোৱা হৈছে। বিভিন্ন চৰকাৰী বিভাগ, কৃষক, নাগৰিক সমাজ, ছাত্ৰ-ছাত্ৰী আৰু সংগঠনৰ সহযোগত গছপুলি ৰোপণৰ কাৰ্যসূচী লোৱা হৈছে। অসমতো কালি বন মহোৎসৱ সপ্তাহৰ শুভাৰম্ভ কৰা হয়।