আমেৰিকা যুক্তৰাষ্ট্ৰৰ ৰাষ্ট্ৰপতি ডোনাল্ড ট্রাম্পে ইৰানৰ সৈতে যুদ্ধৰ অৱসান ঘটোৱাৰ বাবে আজি এখন শান্তি চুক্তি সম্পাদনৰ সম্ভাৱনা আছে আৰু ইয়াৰ পাছতে কৌশলগত দিশৰ পৰা গুৰুত্বপূৰ্ণ হৰমুজ প্রণালী সকলোৰে বাবে মুকলি হ’ব বুলি ঘোষণা কৰিছে। ৰাষ্ট্ৰপতি ট্রাম্পে সামাজিক মাধ্যমযোগে এই কথা ঘোষণা কৰে। তেওঁ কয়, যে চুক্তি সম্পাদনত ব্যর্থ হ’লে অন্তিম বিকল্পৰ পথ খোলা থাকিব। তেওঁ লগতে ২০১৫ চনৰ যুটীয়া সর্বাত্মক কাৰ্য পৰিকল্পনাৰ সৈতে প্ৰস্তাৱিত শান্তি চুক্তিখনৰ তুলনা কৰে।
আমেৰিকা যুক্তৰাষ্ট্ৰৰ ৰাষ্ট্ৰপতিগৰাকীয়ে কয়, যে তেওঁৰ প্ৰস্তাৱিত চুক্তিৰ ফলত ইৰানৰ পাৰমাণবিক অস্ত্র-শস্ত্র বিৰুদ্ধে পূৰ্ণ প্রতিবন্ধকতা আৰোপ কৰিব পৰা যাব। ইৰানৰ পাৰমাণৱিক কাৰ্যসূচী ফলপ্রসূভাৱে নিয়ন্ত্ৰণ কৰিব পৰা গৈছে আৰু অৱশিষ্ট পাৰমাণৱিক সামগ্ৰীসমূহ নষ্ট কৰা হ’ব বুলি তেওঁ দাবী কৰে। ইপিনে ইৰানৰ বিদেশ মন্ত্ৰ্যালয়ৰ মুখপাত্র ইছমাইল বাঘেইয়ে কয়, যে শীঘ্রে কোনো চুক্তি স্বাক্ষৰিত হোৱাৰ সম্ভাৱনা নাই। তেওঁ কয়, যে চুক্তি আজি সম্পাদিত নহয়, অনাগত সময়ত এয়া সম্ভৱ হ’ব পাৰে।
