মহিলা প্রিমিয়াৰ লীগ ক্রিকেট প্রতিয়োগিতাৰ আজি বদোদৰাৰ কোটাম্বি ষ্টেডিয়ামত ডেলহী কেপিটেলছ ৰয়েল চেলেঞ্জাৰছ বেংগালুৰুৰ মুখামুখি হ’ব। খেলখন সন্ধিয়া ৭.৩০ বজাত আৰম্ভ হ’ব। একেখন ষ্টেডিয়ামতে অনুষ্ঠিত আন এখন খেলত কালি গুজৰাট জায়েণ্টছে ইউ পি ৱাৰিয়ৰ্জক ৬ উইকেটত পৰাস্ত কৰে। গুজৰাট জায়েণ্টছে ১৮ অভাৰত ৬টা উইকেটৰ বিনিময়ত ১৪৪ ৰানৰ লক্ষ্যত উপনীত হয়। খেলখনত অধিনায়ক এছলি গার্ডনাৰে ৫২ ৰান সংগ্ৰহ কৰে। এছলি গার্ডনাৰক খেলখনৰ শ্ৰেষ্ঠ খেলুৱৈৰ সন্মান প্ৰদান কৰা হয়। ডিএণ্ড্রা ডটিনে অপৰাজিত ৩৩ ৰান আৰু হাৰ্লিন ডিওলে ৩৪ ৰান সংগ্ৰহ কৰে। ইয়াৰ পূৰ্বে গুজৰাট জায়েণ্টছে টছত জিকি প্ৰথমে বলিং কৰাৰ সিদ্ধান্ত লৈছিল। প্রথমে বেটিং কৰি ইউ পি ৱাৰিয়ৰ্জে নিৰ্ধাৰিত ২০ অভাৰত ৯ টা উইকেটৰ বিনিময়ত ১৪৩ ৰান সংগ্ৰহ কৰে। দলটোৰ হৈ দীপ্তি শৰ্মাই ৩৯ ৰান আৰু উমা চেত্ৰীয়ে ২৭টা বলত ২৪ ৰান সংগ্ৰহ কৰে। প্ৰিয়া মিশ্ৰই খেলখনত তিনিটা উইকেট দখল কৰে।