Akashvani | আকাশবাণী নিউজ

July 12, 2024 12:47 PM

গুৱাহাটী আৰ্টিষ্ট গীল্ডৰ ৪৮ সংখ্যক প্রতিষ্ঠা দিৱস কালি দিনজোৰা কাৰ্যসূচীৰে উদযাপন কৰা হয়

গুৱাহাটী আৰ্টিষ্ট গীল্ডৰ ৪৮ সংখ্যক প্রতিষ্ঠা দিৱস কালি দিনজোৰা কাৰ্যসূচীৰে উদযাপন কৰা হয়। পুৱা গীল্ডৰ সভাপতি বিৰেন সিংহই পতাকা উত্তোলনেৰে কাৰ্যসূচীৰ আৰম্ভণি কৰে। প্ৰতিষ্ঠা দিৱস উপলক্ষে প্রতিষ্ঠানটোৱে বিশিষ্ট অভিনেতা তথা পৰিচালক কুলদা কুমাৰ ভট্টাচাৰ্যক বিশেষভাৱে সম্বৰ্ধনা জ্ঞাপন কৰে। বিয়লি দৈনিক অসম কাকতৰ সম্পাদক ড০ হিতেশ ডেকাই বন্তি প্ৰজ্বলন কৰাৰ পিছত আৰম্ভ হোৱা মূল কাৰ্যসূচীৰ ভিতৰত মুকলি সভা, চিত্ৰ প্ৰদৰ্শনীৰ দ্বাৰ উন্মোচন, মুখপত্ৰ চিহ্নৰ উন্মোচন আৰু সাংস্কৃতিক অনুষ্ঠানৰ লগতে তপন বৰদলৈ সোঁৱৰণ...

July 11, 2024 9:04 PM

শিৱসাগৰৰ আমগুৰিত আজি ৩০খন বিছনাযুক্ত চামগুৰি আদৰ্শ চিকিৎসালয়খন মুকলি

শিৱসাগৰ জিলাৰ আমগুৰিত আজি ৩০খন বিছনাযুক্ত চামগুৰি আদৰ্শ চিকিৎসালয়খন মুকলি কৰা হয়। প্ৰাৰম্ভিক পৰ্যায়ত প্রাথমিক চিকিৎসা সেৱা আৰম্ভ কৰা চিকিৎসালয়খনত পৰৱৰ্তী সময়ত প্রাথমিক চিকিৎসাৰ লগতে প্ৰসূতিৰ বাবে আৰু জৰুৰীকালীন চিকিৎসাও আগবঢ়োৱা হ'ব। শিৱসাগৰৰ জিলা আয়ুক্ত আদিত্য বিক্রম যাদৱে চিকিৎসালয়খন মুকলি কৰে।

July 11, 2024 12:52 PM

মালুৱা কান্দিগ্রাম অঞ্চলত কৰিমগঞ্জ আৰক্ষীৰ অভিযানত এজন যুৱকৰ পৰা বুজন পৰিমাণৰ মাদক দ্রব্য জব্দ

কৰিমগঞ্জ আৰক্ষীয়ে কালি সন্ধিয়া মালুৱা কান্দিগ্রাম অঞ্চলত অভিযান চলাই এজন যুৱকৰ পৰা বুজন পৰিমাণৰ মাদক দ্রব্য জব্দ কৰে। গোপন তথ্যৰ ভিত্তিত চলোৱা এই অভিযানত উদ্ধাৰ হোৱা মাদক দ্রব্যখিনিৰ মূল্য আনুমানিক ২ কোটি টকা বুলি আৰক্ষী সূত্ৰই প্ৰকাশ কৰিছে। বদৰপুৰ আৰক্ষীয়ে অভিযুক্তৰ বিৰুদ্ধে গোচৰ ৰুজু কৰি জেৰা অব্যাহত ৰাখিছে। আজি যুৱকজনক আদালতত হাজিৰ কৰা হ'ব। ইপিনে, গোলাঘাট আৰক্ষীয়েও কালি সৰুপথাৰত অভিযান চলাই মাদক দ্রব্য সৰবৰাহকাৰী এটা দলক আটক কৰে। সৰবৰাহকাৰী দলটোৰ পৰা আৰক্ষীয়ে হেৰ'ইন জব্দ কৰে। এই ঘটনাৰ সৈ...

July 6, 2024 6:39 PM

শ্ৰীশ্ৰীযোগানন্দ দেৱ সত্ৰাধিকাৰ গোস্বামী মহাবিদ্যালয়ৰ হীৰক জয়ন্তী বর্ষ উদযাপন কাৰ্যসূচী আজি শুভাৰম্ভ

গোলাঘাট জিলাৰ বোকাখাটৰ ঐতিহ্যমণ্ডিত উচ্চ শিক্ষানুষ্ঠান শ্ৰীশ্ৰীযোগানন্দ দেৱ সত্ৰাধিকাৰ গোস্বামী মহাবিদ্যালয়ৰ হীৰক জয়ন্তী বর্ষ উদযাপন কাৰ্যসূচী আজি শুভাৰম্ভ কৰা হয়। উদ্যাপন সমিতিৰ সভাপতি তথা মন্ত্ৰী অতুল বৰাই আজি পুৱা পতাকা উত্তোলন কৰি অনুষ্ঠানৰ শুভাৰম্ভ কৰে। মন্ত্ৰীগৰাকীয়ে ১৯৬৬ চনতে স্থাপিত বোকাখাটৰ এই ঐতিহ্যমণ্ডিত শিক্ষানুষ্ঠানখনৰ উত্তৰণৰ ক্ষেত্ৰত প্ৰচেষ্টা অব্যাহত ৰাখিব বুলি মন্তব্য কৰে। আজি অনুষ্ঠানৰ সৈতে সংগতি ৰাখি স্মৃতি তৰ্পন, মহাবিদ্যালয় চৌহদৰ ভিতৰতে সাংস্কৃতিক শোভাযাত্ৰা আৰু বিয়লি ...

July 4, 2024 9:13 PM

দেশত বলৱৎ হোৱা তিনিখন নতুন আইন সন্দৰ্ভত বৰপেটা জিলা সমাজ কল্যাণ বিভাগৰ সজাগতা সভা

পহিলা জুলাইৰ পৰা দেশত বলৱৎ হোৱা তিনিখন নতুন আইন সন্দৰ্ভত আজি বৰপেটা জিলা সমাজ কল্যাণ বিভাগৰ উদ্যোগত এখন সজাগতা সভা অনুষ্ঠিত হয়। এই সভাত সমাজ কল্যাণ বিভাগৰ অধীনত কৰ্মৰত শিশু উন্নয়ন প্রকল্প বিষয়া আৰু ছুপাৰ ভাইজাৰসকলক আইন তিনিখনৰ বিভিন্ন দিশ সম্পৰ্কে অৱগত কৰোৱা হয়। এই সভাত প্ৰশাসনৰ শীৰ্ষ বিষয়া আৰু কেইবাগৰাকীও অধিবক্তাই আইন তিনিখন সন্দৰ্ভত ভাষণ দিয়ে। লখিমপুৰ জিলা প্ৰশাসনৰ উদ্যোগত আৰু জিলা মহিলা আৰু শিশু উন্নয়ন বিভাগৰ সহযোগত আজি জিলাখনত নতুন আইন তিনিখনত মহিলা আৰু শিশুৰ বাবে থকা বিভিন্ন সুবিধা ...

July 4, 2024 3:01 PM

দিল্লীত ৪ দিনীয়াকৈ পুনৰ ব্যৱহাৰযোগ্য আৰু বহনক্ষম প্লাষ্টিক তথা আন্তঃৰাষ্ট্ৰীয় প্রদর্শনী শীৰ্ষক গোলকীয় অভিৱৰ্তন

■ ৰাসায়নিক আৰু পেট্‌’ কেমিকেল সচিব নিবেদিতা শুক্লা বার্মাই আজি নতুন দিল্লীত ৪ দিনীয়াকৈ আয়োজিত পুনৰ ব্যৱহাৰযোগ্য আৰু বহনক্ষম প্লাষ্টিক তথা আন্তঃৰাষ্ট্ৰীয় প্রদর্শনী শীর্ষক গোলকীয় অভিৱৰ্তন উদ্বোধন কৰে। এই অভিৱৰ্তনে উদ্যোগসমূহৰ নেতা, ষ্টার্টআপ আৰু পৰিবেশ বিশেষজ্ঞসকলক প্লাষ্টিক উদ্যোগৰ বহন ক্ষমতা লক্ষ্যত উপনীত হোৱাৰ ক্ষেত্ৰত তেওঁলোকৰ শেহতীয়া অগ্ৰগতি আৰু মতাদৰ্শসমূহ প্ৰদৰ্শনৰ ক্ষেত্ৰত এখন বিশেষ মঞ্চ প্ৰদান কৰিব। এই প্ৰদৰ্শনীত বিভিন্ন গোটৰ অংশীদাৰসকলৰ লগতে উদ্যোগসমূহৰ নেতা, উদ্ভাৱক, নীতি নিৰ্ধাৰক...

July 4, 2024 2:57 PM

আজিৰে পৰা ৰাজ্যৰ কেইবাখনো জিলাত সম্পূর্ণতা অভিযান ৰূপায়ণ

■ অভিলাষী জিলা আৰু উন্নয়ন খণ্ডসমূহৰ দ্ৰুত তথা সৰ্বাত্মক বিকাশৰ লক্ষ্যৰে ৰাজ্যৰ কেইবাখনো জিলাত আজিৰেপৰা সম্পূর্ণতা অভিযান ৰূপায়ণ কৰা হৈছে। অসমৰ বাক্সা, ধুবুৰী, দৰং, বৰপেটা, গোৱালপাৰা,ওদালগুৰি আৰু হাইলাকান্দিকে ধৰি মুঠ ৭খন জিলা তথা ২০টা উন্নয়ন খণ্ড এলেকাক এই অভিযানে সামৰি লৈছে। উল্লেখযোগ্য যে বৰ্তমানলৈ উন্নয়নৰ সুফল নোপোৱা দেশৰ ভিন্ন প্ৰান্তৰ অঞ্চলক সামৰি কেন্দ্ৰীয় চৰকাৰে এনে অঞ্চলসমূহৰ দ্ৰুত উন্নয়নৰ লক্ষ্যৰে সম্পূৰ্ণতা অভিযান আৰম্ভ কৰিছে। নীতি আয়োগে আৰম্ভ কৰা এই অভিযান ৩০ ছেপ্তেম্বৰ পৰ্যন্ত...

July 2, 2024 8:04 PM

গুৱাহাটী প্ৰেছ ক্লাবত আজি সাংবাদিক সকলৰ বিনামূলীয়া স্বাস্থ্য পৰীক্ষা তথা মধুমেহ আৰু ৰক্তচাপ শিবিৰ অনুষ্ঠিত

অসম স্বাস্থ্যসেৱা সমবায় সমিতিৰ উদ্যোগত আৰু গুৱাহাটীৰ এখন ব্যক্তিগত চিকিৎসালয়ৰ সহযোগত গুৱাহাটী প্ৰেছ ক্লাবত আজি সাংবাদিক সকলৰ বাবে বিনামূলীয়া স্বাস্থ্য পৰীক্ষা তথা মধুমেহ আৰু ৰক্তচাপ শিবিৰ অনুষ্ঠিত হয়। এই শিবিৰত চিকিৎসক বিদুৎ বিকাশ চৌধুৰী আৰু কেইবাগৰাকীও চিকিৎসা কৰ্মীয়ে সেৱা আগবঢ়ায়। তদুপৰি জ্যেষ্ঠ চকুৰোগ বিশেষজ্ঞ ডা০ বিজুলী গোস্বামীয়ে সাংবাদিক সকলৰ চকু পৰীক্ষা কৰে। কমেও ৭৫ গৰাকী সাংবাদিকে এই শিবিৰত চকু আৰু স্বাস্থ্য পৰীক্ষা কৰোৱায়৷

July 2, 2024 8:02 PM

ৰাজ্যৰ সাংস্কৃতিক পৰিক্ৰমা বিভাগৰ উদ্যোগত বিধানসভা সমষ্টিভিত্তিক কৰ্মশালাৰ আয়োজন

গ্রীষ্ম বন্ধৰ সময়ছোৱা শিক্ষাৰ্থীসকলৰ বাবে ফলপ্রসূ কৰি তোলাৰ উপৰি তেওঁলোকৰ সাংস্কৃতিক উৎকর্ষ সাধনৰ লক্ষ্যৰে ৰাজ্যৰ সাংস্কৃতিক পৰিক্ৰমা বিভাগৰ উদ্যোগত বিধানসভা সমষ্টিভিত্তিক কৰ্মশালাৰ আয়োজন কৰা হৈছে। বিগত বছৰৰ দৰে এইবাৰো শিক্ষাৰ্থীসকলৰ সাংস্কৃতিক বুদ্ধিমত্তা বিকাশত গুৰুত্ব আৰোপ কৰি বিভাগে এই ব্যৱস্থা লৈছে। ইয়াৰ অধীনত কালিৰে পৰা চতুৰ্থ শ্ৰেণীৰ পৰা অষ্টম শ্রেণী পর্যন্ত শিক্ষাৰ্থীসকলক লৈ প্ৰতিটো বিধানসভা সমষ্টিত কৰ্মশালাৰ আয়োজন কৰা হৈছে। এই কৰ্মশালাত নাটক, সত্ৰীয়া নৃত্য, লোকনৃত্য, পৰম্পৰাগত নৃত্...

July 2, 2024 7:54 PM

শুল্ক বিভাগৰ গুৱাহাটী মণ্ডলে বৰাগাঁৱৰ এটা প্ৰতিষ্ঠানত অভিযান চলাই ৫৩৬ কার্টন বিদেশী চিগাৰেট জব্দ কৰে

শুল্ক বিভাগৰ গুৱাহাটী মণ্ডলৰ দলে গোপন সূত্ৰৰ পম খেদি বৰাগাঁৱৰ এটা প্ৰতিষ্ঠানত অভিযান চলাই আজি ৫৩৬ কার্টন বিদেশী চিগাৰেট জব্দ কৰিছে। জব্দ কৰা চিগাৰেটখিনিৰ বজাৰ মূল্য ৩০ লাখ ৭৯ হাজাৰ টকা হ'ব বুলি অনুমান কৰা হৈছে। শুল্ক বিভাগে প্ৰকাশ কৰা মতে চিগাৰেটখিনি প্রতিষ্ঠানটোৰ পুৰণি আলমিৰা, ৱাশ্বিং মেচিন আৰু এটা বিকল হোৱা ফ্ৰিজৰ ভিতৰত ভৰাই ৰখা হৈছিল। শুল্ক বিভাগে মুঠ এক লাখ ৭ হাজাৰ ২০০টা চিগাৰেট জব্দ কৰে। এই সন্দৰ্ভত বিভাগে তদন্ত অব্যাহত ৰাখিছে।

Social Media Links