কমতাপুৰ কোচ ৰাজবংশী আৰ্টিষ্ট ছ’ছাইটিৰ উদ্যোগত আজিৰে পৰা দুদিনীয়া কাৰ্যসূচীৰে চিৰাঙৰ বাসুগাঁও হেকৈপাৰাত তৃতীয় কমতা মিউজিক ফেষ্টিভেল আৰম্ভ হ’ব। বৰপেটা লোকসভা সমষ্টিৰ সাংসদ ফণীভূষণ চৌধুৰীয়ে পুৱা পতাকা উত্তোলনেৰে এই মহোৎসৱ মুকলি কৰিব। ইয়াৰ পাছতে কোচ ৰাজবংশী লোকনৃত্য, প্রতিনিধি সভা আদি অনুষ্ঠিত হ’ব। বিয়লি ৰাজ্যসভাৰ সাংসদ ৰনগৌৰা নাৰ্জাৰীয়ে মঞ্চ উদ্বোধন কৰাৰ লগতে কোকৰাঝাৰ লোকসভা সমষ্টিৰ সাংসদ জয়ন্ত বসুমতাৰীয়ে সাংস্কৃতিক সন্ধিয়া মুকলি কৰিব।