হাংগেৰীৰ বুডাপেষ্টত অনুষ্ঠিত ৪৫ সংখ্যক এফ আই ডি ই ডবা অলিম্পিয়াডৰ প্ৰথম দিনা ভাৰতে আধিপত্য বিস্তাৰ কৰিছে। উদ্বোধনী শাখাৰ প্ৰথম ৰাউণ্ডৰ ভাৰতে মৰক্কোৰ বিৰুদ্ধে ৪-০ ফলাফলত জয়লাভ কৰাৰ বিপৰীতে মহিলাৰ শাখাত ভাৰতে জার্মানীৰ বিৰুদ্ধে ৩ দশমিক ৫ – ০ দশমিক ৫ ফলাফলত বিজয় সাব্যস্ত কৰে। আৰ প্ৰজ্ঞানানন্দই মৰক্কোৰ টিচিৰ মহম্মদক পৰাজিত কৰে। আনহাতে, বিদিত গুজৰাটীয়ে ঔআখিৰ মেহদী পিয়েৰক আৰু পেণ্টালা হৰিকৃষ্ণাই মৌয়াদ অনছৰ বিৰুদ্ধে বিজয় সাব্যস্ত কৰে। ইয়াৰ লগতে বিশ্বৰ চতুৰ্থ স্থানৰ অৰ্জুন এৰিগেচিয়ে এলবিলিয়া জেক্‌ছক ৪-০ ফলাফলত পৰাজিত কৰি ভাৰতৰ হৈ আন এটা বিজয় সাব্যস্ত কৰে । মহিলাৰ শিতানত ভাৰতৰ বৈশালীয়ে শীর্ষ বাছনিৰ জমাইকাৰ অদানি ক্লার্কক পৰাজিত কৰি শীৰ্ষস্থান দখল কৰে। তানিয়া সচদেৱে গ্রেবিয়ালা ৱাটচন আৰু দিব্যা দেশমুখে ৰাচেল মিলাৰক পৰাস্ত কৰে। ১২ দিন ধৰি চলিবলগীয়া এই প্রতিযোগিতাত এহেজাৰ ৮০০ গৰাকীৰো অধিক খেলুৱৈয়ে অংশগ্ৰহণ কৰিছে।