ৰাজ্যৰ প্ৰায় ৯৯ শতাংশ লোকে আধাৰ কাৰ্ড লাভ কৰিবলৈ সমৰ্থ হৈছে বুলি ভাৰতীয় একক পৰিচয় প্ৰাধিকৰণ অর্থাৎ UIDAIৰ গুৱাহাটীৰ আঞ্চলিক কার্যালয়ৰ সঞ্চালক এছ কে ছাক্সেনাই প্রকাশ কৰিছে।
বৰপেটা চহৰৰ সৰ্বানন্দ পথত আজি এটা আধাৰ সেৱা কেন্দ্ৰ মুকলি অনুষ্ঠানত অংশ লৈ সঞ্চালকগৰাকীয়ে এইদৰে কয়।
আধাৰ সম্পৰ্কীয় যিকোনো সমস্যা সমাধানত সহায়ক হোৱাকৈ স্থাপন কৰা এই কেন্দ্ৰটো বৰপেটাৰ বিধায়ক দীপক কুমাৰ দাসে মুকলি কৰে।
সঞ্চালক শ্রী ছাক্সেনাই কয়, যে অসমত ১৮ বছৰৰ উৰ্ধৰ লোকক আধাৰ প্ৰদানৰ ক্ষেত্ৰত ৰাজ্য চৰকাৰৰ দ্বাৰা নতুন নিয়ম ধাৰ্য কৰা হৈছে। এই অনুসৰিহে UIDAIয়ে আধাৰ প্ৰদান কৰিব বুলি তেওঁ জানিবলৈ দিয়ে।
ইয়াৰ বিপৰীতে ১৮ বছৰ অনুৰ্ধৰ সকলে আধাৰ লাভৰ ক্ষেত্ৰত কোনো জটিলতা নাই বুলি তেওঁ উল্লেখ কৰে।
