চলিত যোৰহাট জিলা দিৱসৰ লগত সংগতি ৰাখি কালি যোৰহাট জিলা আয়ুক্তৰ নেতৃত্বত আৰু শিক্ষা বিভাগৰ সহযোগত জিলাখনৰ অন্তৰ্গত প্ৰতিখন বিদ্যালয়তে গ্রন্থদান অভিযান চলোৱা হয়। বিদ্যালয়সমূহৰ শিক্ষক-শিক্ষয়িত্রী, কর্মচাৰী, ছাত্র-ছাত্রী, অভিভাৱক আদিয়ে বিদ্যালয়ৰ পুথিভঁৰালসমূহলৈ গ্ৰন্থদান কৰে। উল্লেখযোগ্য যে, জিলাখনৰ পাঁচটা শিক্ষা খণ্ডৰ ১,২২৯ খন বিদ্যালয়ত কালিৰ দিনটোত প্রায় ১ লাখ ১৭ হাজাৰ ৭৬৩ খন গ্ৰন্থ সংগ্ৰহ কৰা হয়। তদুপৰি ছাত্ৰ-ছাত্ৰীৰ মাজত কিতাপ পঢ়াৰ প্ৰতি ধাউতি বঢ়োৱাৰ উদ্দেশ্যেৰে জিলা আয়ুক্ত আৰু আৰক্ষী অধীক্ষকে কালি ১৫০ নম্বৰ লহপহীয়া প্ৰাথমিক বিদ্যালয়ৰ দুগৰাকী ছাত্ৰীৰ ঘৰত দুটি পুথিভৰাঁল উন্মোচন কৰে।