মাজুলী জিলাৰ নৱম সংখ্যক প্ৰতিষ্ঠা দিৱসৰ সৈতে সংগতি ৰাখি আজি জিলা আবকাৰী বিভাগ আৰু মাদক দ্রব্য নিবাৰণী পৰিষদৰ উদ্যোগত ড্ৰাগছ বিৰোধী সজাগতামূলক কাৰ্যসূচী গ্ৰহণ কৰা হয়। জেংৰাইমুখ, ৰঙাচাহী মহাবিদ্যালয়, কমলাবাৰী চাৰিআলি আৰু গড়মূৰ চিভিল তিনিআলিত আয়োজিত এই কাৰ্যসূচীৰ জৰিয়তে মাদক দ্ৰব্যৰ ভয়াৱহতাৰ বিষয়ে জনসাধাৰণক সজাগ কৰা হয়। ইফালে জিলাখনৰ কৃষি বিভাগে আজি জিলা কৃষি বিষয়াৰ কাৰ্যালয়ত নৱম সংখ্যক প্ৰতিষ্ঠা দিৱস উদযাপন কৰে। এই কাৰ্যসূচীত জিলাখনৰ কেইবাগৰাকী প্ৰগতিশীল কৃষকক সম্বৰ্ধনা জ্ঞাপন কৰা হয়।