মুখ্যমন্ত্রী ড০ হিমন্ত বিশ্ব শৰ্মাই আজি পুৱা বৰাক উপত্যকাৰ কুম্ভ চাহ বাগিছাত এটা ৫৯৫ কিলোৱাট শক্তিসম্পন্ন সৌৰ বিদ্যুৎ প্রকল্প উদ্বোধন কৰে।
৩.১১ মেগাৱাটৰ গুডৰিক চাহ বাগিছা সৌৰ শক্তি কাৰ্যসূচীৰ অংশস্বৰূপ এই প্ৰকল্পই ৰাজ্যৰ চাহ উদ্যোগক নিকা আৰু নবীকৰণযোগ্য শক্তিৰে শক্তিশালী কৰাৰ লগতে সেউজ অসমৰ লক্ষ্যকো গতি প্ৰদান কৰিব বুলি আশা কৰা হৈছে।
মুখ্যমন্ত্ৰী ড০ শৰ্মাই সামাজিক মাধ্যমযোগে দিয়া এটা বাৰ্তাত কয় যে ৰাজ্য চৰকাৰে অসমৰ চাহ বাগিছাসমূহক সৌৰ শক্তিৰে স্বনিৰ্ভৰশীল কৰি তোলাৰ বাবে কাম কৰি আছে, যাতে ভৱিষ্যতলৈও বাগিছাসমূহে বহনক্ষমভাৱে নিজৰ কাম-কাজ অব্যাহত ৰাখিব পাৰে।
তেওঁ লগতে চাহ বাগিছা পৰ্যটনক অধিক জনপ্ৰিয় আৰু আকৰ্ষণীয় কৰি তোলাৰ বাবে চৰকাৰে গুৰুত্ব আৰোপ কৰা বুলি মন্তব্য কৰে।
