পঞ্চায়ত আৰু গ্রামোন্নয়ন বিভাগ তথা অসম ৰাজ্যিক গ্রামীণ জীৱিকা অভিযানৰ জ্যেষ্ঠ বিষয়াসকলৰ সৈতে আজি মন্ত্রী অতুল বৰাই পৰ্যালোচনা বৈঠকত অংশগ্ৰহণ কৰে। এই বৈঠকত মন্ত্ৰীগৰাকীয়ে বিভাগসমূহৰ কামকাজৰ লগতে কাৰ্যসূচীসমূহৰ অগ্ৰগতিৰ বুজ লোৱাৰ লগতে জিলাসমূহক আঁচনিসমূহ ৰূপায়ণৰ স্থিতিৰ সন্দৰ্ভত পর্যালোচনা কৰে। বৈঠকত VB-G RAM-G আৰু প্রধানমন্ত্রী আবাস যোজনা গ্রামীণকে ধৰি গুৰুত্বপূৰ্ণ আঁচনিৰ জিলা ভিত্তিক অগ্ৰগতিৰ পৰ্যালোচনা কৰা হয়। আঁচনিসমূহ সময়মতে স্বচ্ছ আৰু ফলপ্রসূভাৱে ৰূপায়ণ কৰাৰ ক্ষেত্ৰত মন্ত্ৰীগৰাকীয়ে বিশেষভাৱে গুৰুত্ব প্রদান কৰে। আঁচনিসমূহৰ আৱণ্টিত পুঁজিৰ সঠিক আৰু ফলপ্ৰসূ ব্যৱহাৰৰ জৰিয়তে যাতে ৰূপান্তৰ সাধন হয়, এই উদ্দেশ্যে বিভাগৰ বাজেট ব্যৱস্থাৰ স্থিতিৰ ওপৰতো আলোচনা কৰে। বৈঠকত পঞ্চায়ত আৰু গ্রামোন্নয়ন বিভাগৰ অতিৰিক্ত মুখ্য সচিব, আয়ুক্ত, অসম ৰাজ্যিক গ্রামীণ জীৱিকা অভিযানৰ ৰাজ্যিক অভিযান সঞ্চালকৰ লগতে কেইবাটাও বিভাগৰ বিষয়া উপস্থিত থাকে।