ন্যায়াধীশ শর্মিলা ভূঞাৰ ফাৰ্ষ্ট ট্ৰেক আদালতত আজিৰে পৰা জুবিন গাৰ্গৰ মৃত্যুৰ গোচৰৰ বিচাৰ প্ৰক্ৰিয়া পুনৰ আৰম্ভ হৈছে। আজি পুৱাৰ ভাগত ফাষ্ট ট্ৰেক আদালতে এন কে প্ৰডাক্টচনৰ স্বত্বাধিকাৰী দেৱ বৰকটকীয়ে সাক্ষ্য প্ৰদান কৰে।
সাক্ষ্য প্ৰদান প্রক্রিয়া অন্ত পৰাৰ পাছত সংবাদ মাধ্যমৰ আগত বৰকটকীয়ে জুবিন গাৰ্গে ন্যায় পোৱাৰ ক্ষেত্ৰত তেওঁৰ সাক্ষ্যই সহায় কৰিব বুলি আশা প্ৰকাশ কৰে।
আদালতৰ আইনী প্ৰক্ৰিয়াৰ পাছত বাহিৰলৈ ওলাই অহা অভিযুক্ত সন্দীপন গাৰ্গ আৰু অমৃতপ্রভা মহন্তই আজিও সংবাদ মাধ্যমৰ আগত মন্তব্য কৰাৰ পৰা বিৰত থাকে। উল্লেখযোগ্য যে জামিন লাভ কৰাৰ পাছত আজিৰ অভিযুক্ত সন্দীপন গাৰ্গে প্ৰথম বাৰৰ বাবে আদালতত উপস্থিত হয়।
ইপিনে, জুবিন গাৰ্গৰ ন্যায়ৰ দাবীত সদৌ অসম ছাত্ৰ সন্থাই অহা ২৯ অক্টোবৰত অসমৰ প্ৰতিখন জিলাৰ সদৰত মম শিখা সমদল কাৰ্যসূচীৰ আয়োজন কৰিছে।
