વિદેશ મંત્રી એસ. જયશંકરે ગઈકાલે આદિસ અબાબામાં આફ્રિકામાં ભારતના મિશન વડાઓના સંમેલનની અધ્યક્ષતા કરી હતી. આ પ્રસંગે બોલતા, તેમણે કહ્યું કે ભારત અને આફ્રિકા ગ્લોબલ સાઉથ એકતા, વ્યૂહાત્મક સ્વાયત્તતા, બહુધ્રુવીયતા અને સહિયારી વિકાસ આકાંક્ષાઓ પર આધારિત ગાઢ સંબંધો ધરાવે છે.
ઇથોપિયાની રાજધાનીમાં ડૉ. જયશંકરે ભારત-આફ્રિકા સહભાગિતા માટે પોતાનું વિઝન રજૂ કર્યાના એક દિવસ પછી આ પરિષદ યોજાઈ હતી. શુક્રવારે ભારત-આફ્રિકા ભાગીદારી પર બોલતા, તેમણે કહ્યું કે ભવિષ્યની ભાગીદારી ક્ષમતા નિર્માણમાં મદદ કરશે. તેમણે આફ્રિકા માટે યોગ્ય પ્રતિનિધિત્વ સાથે યુએન સુરક્ષા પરિષદમાં સુધારા માટે હાકલ કરી હતી.
