કેબિનેટ મંત્રી ઋષિકેશ પટેલે શક્તિપીઠ અંબાજી ખાતે ચાલી રહેલી વિકાસ પરિયોજનાઓનું સ્થળ નિરીક્ષણ કર્યું. તેમણે અંબાજી શક્તિ કૉરિડોર, અંબાજી બાયપાસ રોડ અને અંબાજી-તારંગા રેલવે લાઈન પરિયોજનાની કામગીરીનું નિરીક્ષણ કરી પરિયોજનાની પ્રગતિ અને સંબંધિત કામગીરી અંગે માહિતી મેળવી.

દરમિયાન શ્રી પટેલે સંબંધિત અધિકારીઓને જરૂરી સૂચનો આપ્યાં હતાં. આ પ્રસંગે તેમણે રાજ્યના આદિવાસી બહુલ વિસ્તારોનો સર્વાંગી અને ઝડપી વિકાસ થાય અને આદિવાસી સમુદાયને તમામ પાયાની સુવિધાઓ સુલભ બને તે સરકારની પ્રાથમિકતા હોવાનું જણાવ્યું.