પ્રધાનમંત્રી નરેન્દ્ર મોદી આજે વીડિયો કોન્ફરન્સિંગ દ્વારા લદ્દાખમાં ત્રણ હજાર ત્રણસો કરોડ થી વધુના પાંચ મુખ્ય વિકાસ પ્રકલ્પોનું ઉદ્ઘાટન અને રાષ્ટ્રને સમર્પિત કરશે. આ પરિયોજનાઓનો ઉદ્દેશ્ય કનેક્ટિવિટીને મજબૂત બનાવવા, ઉર્જા માળખાગત સુવિધામાં સુધારો કરવા, સાંસ્કૃતિક વારસાનું સંરક્ષણ અને જળ સુરક્ષા વધારવાનો છે.

પ્રધાનમંત્રી લેહના કુશોક બકુલા રિમ્પોચી એરપોર્ટ ખાતે 640 કરોડના ખર્ચે બનેલા નવા પેસેન્જર ટર્મિનલ બિલ્ડિંગનું ઉદ્ઘાટન કરશે. પ્રધાનમંત્રી સરહદ માર્ગ સંગઠન – BRO દ્વારા નિર્મિત 298 કિલોમીટર લાંબો નિમ્મુ-પદુમ-દર્ચા રોડ રાષ્ટ્રને સમર્પિત કરશે. દૂરસ્થ ઝાંસ્કર ખીણ દ્વારા લેહમાં નિમ્મુને હિમાચલ પ્રદેશના દારચા સાથે જોડતો, આ રસ્તો લદ્દાખને વૈકલ્પિક કનેક્ટિવિટી કોરિડોર પૂરો પાડે છે, જે શ્રીનગર-લેહ અને મનાલી-લેહ હાઇવેને પૂરક બનાવે છે.

શ્રી મોદી લેહના સિંધુ ઘાટ ખાતે ભારતના પ્રથમ પેટ્રોગ્લિફ કન્ઝર્વેશન પાર્ક અને પ્રોજેક્ટ હિમ સરોવર હેઠળ 40 ગામોમાં વિકસિત 40 જળાશયોનું ઉદ્ઘાટન કરશે